Янгиликлар
29
Hayal-qızlardıń huqıqıy sawatxanlıǵın arttırıw boyınsha ámelge asırılıp atırǵan ilajlar
Hayal-qızlardıń huqıqıy sawatxanlıǵın arttırıw boyınsha ámelge asırılıp atırǵan ilajlar
Xalqımız ázel-ázelden hayal-qızlarǵa ayrıqsha itibar menen, mexr-muxabbat hám jaqsılıqtıń tımsalı sıpatında qaraǵan. Salamat shańaraqtı qáliplestiriwde er hám hayal adamnıń ornı birdey áhmiyetli bolǵanı menen báribir hayal, yaǵnıy ananıń shańaraqta tutqan ornı bárshege belgili. Sonlıqtan, búgingi kúnde elimizde shańaraqtıń uytqısı bolǵan hayallardıń jámiyettegi ornı, olardı hár tárepleme qorǵawǵa úlken itibar qaratıp kelinbekte.
Ózbekstan Respublikası Konstituciyasınıń 58-statyasında hayal-qızlar hám er adamlar teń huqıqlarǵa iye dep delgilengen.
18.12.1979-jılı Birlesken Milletler shólkemi tárepinen hayal-qızlardıń barlıq tústegi kemsitiliwinıń aldın alıw boyınsha konvenciya qabıl etińgen.
Usı konvenciyaǵa Ózbekstan Respublikası 06.05.1995-jılı qosıldı.
Miynet nızamshılıǵımızda hayallarǵa bir qatar jeńillikler berilgen bolıp, olardıń kópshiligi miynet qılıw huqıqların támiyinlewge qaratılǵan.
Atap aytqanda :
- Hámledar hayallardı hám on tórt jasqa tolmaǵan balası bar hayallardı, olardıń razılıǵısız tungi jumıslarǵa, jumıs waqtınan tısqarı jumıslarǵa, dem alıs kúnleri jumıslarǵa tartıwǵa hám xızmet saparına jiberiwge jol qoyılmaydı.
- Úsh jasqa tolmaǵan balaları bar, byudjet esabınan támiyinlenetuǵın mákemelerde islep atırǵan hayallarǵa jumıs waqtıniń háptesine 35 saattan aspaytuǵın qısqartılǵan múddeti belgilenedi.
- Hayallarǵa jetpis kalendar kún hámledarlıq hám tuwǵannan keyin eliw altı kalendar kún múddeti menen hámledarlıq hám tuwıw tátili beriledi.
- Hayal, onıń qálewine kóre, balası úsh jasqa tolǵanga shekem bala kútimi ushın miynet haqı saqlanbaǵan qosımsha tátil beriledi. Bala kútimi tátili dawamında hayaldıń jumıs ornı (lawazımı) saqlanadı.
- Eki jasqa tolmaǵan balası bar hayallarǵa, dem alıw hám awqatlanıw ushın ózine beriletuǵın tánepisten tısqarı, balanı awqatlantırıw ushın qosımsha tánepis beriledi. Bul keminde hár 3 saatta bir ret, hár biri 30 minuttan kem bolmaǵan múddetge beriledi.
- Hámledar hayallar hám úsh jasqa tolmaǵan balası bar hayallar menen dúzilgen miynet shártnaması, kárxananıń pútkilley saplastırılıwınan tısqarı, jumıs beriwshiniń baslaması menen biykarlawǵa jol qoyılmaydı.
- Hámledarlıǵı yamasa balası bar ekenligi sebepli hayallardı jumısqa qabıllawdan bas tartıw hám olardıń miynet haqın kemeytiw, qadaǵan etiledi.
Shımbay rayonı ádillik bólimi
YUXK Oray baslıǵı A. Reymov