Янгиликлар
29
Búgingi kúnde mámleketimiz tárepinen hayal-qızlarǵa jaratılıp atırǵan imkanıyatlar
Búgingi kúnde mámleketimiz tárepinen hayal-qızlarǵa jaratılıp atırǵan imkanıyatlar
O’zbekstan Respublikasi sonǵı jıllarda hayal-qızlarǵa ko’plegen nızamshılıqta jenillik hám imkaniyatlar jaratip berilmekte.
Atap aytqanda, 437-sanlı 2023-jil 2-sentyabr Húkimet qararı menen “Ibrátlı shańaraq” kókirek nıshanın beriw tártibi belgilendi.
Qararǵa kóre, bul kókirek nıshanı menen párawan hám turaqlı shańaraqlardıń turmıslıq tájiriybelerin ǵalabalastırıw, shańaraq institutın bekkemlew, shańaraqqa tiyisli qádiriyatlardı saqlaw hám rawajlandırıwǵa múnásip úles qosqan úlgili shańaraqlar sıylıqlanadı.Soǵan kóre:
Hár jılı 1-martqa shekem Hayal-qızlar belsendileri, shańaraqqa tiyisli qádiriyatlardı bekkemlew komissiyaları tárepinen kókirek nıshanı menen sıylıqlawǵa tiyisli usınıslar qáliplestiredi.
Usınıslar rayon (qala)lıq kambaǵallıqtı qısqartıw hám bántlik bólimlerine usınıs etiledi.
Hár jılı 15 martqa shekem talaban shańaraqlar hár tárepleme úyrenilip, 15-aprelge shekem eń múnásipleri boyınsha juwmaqlawshı sheshim qabıl etiledi.
Talaban shańaraqlar úyrenilip atırǵanda, tómendegilerge ayrıqsha itibar qaratıladı:
-shańaraqta hám jámiyetlik orınlarda kitapxanalar shólkemlestirilgen;
-shańaraq aǵzaları ilimli, oqımıslı adam bolǵan, sonıń menen birge, ilimiy dárejege iye bolǵan;
-ata-anası qaramaǵınan ayrılǵan balalardı perzentlikke, qáwenderlikke, ámengerlikke alǵan;
-shańaraqlıq sport penen shuǵıllanıp, respublika hám xalıqaralıq dárejedegi jetiskenliklerge erisken;
-shańaraqlıq isbilermenligi iskerligin jolǵa qoyıp, ekonomikanı rawajlandırıwǵa úles qosıp atırǵan.
Kókirek nıshanı menen sıylıqlanǵan shańaraqlar 15-may - Xalıqaralıq shańaraqlar kúni bayramı qarsańında saltanatlı sıylıqlanadı.
Sıylıqlanǵan ibrátlı shańaraqlarǵa BEMnıń 4 esesi muǵdarında tólenetuǵın pul sıylıǵı beriledi.
Kókirek nıshanı menen sıylıqlanǵan shańaraqlar jasaytuǵınlıq xojalıqlar hám turaq jaylardıń kiriw bólimine “Ibrátlı shańaraq” belgisi ornatıladı.
Bir shańaraq kókirek nıshanı menen bir mártebe sıylıqlanadı.
Bunnan tisqari, Nızamshılıqqa kóre:
baǵıwshısın joǵaltqan hayal-qızlardıń:
perzentleri mámleketlik baqshalarına tólenetuǵın ata-analar tóleminen azat etiledi;
3 jasqa shekem perzentleri ushın mámleketlik emes baqshalarǵa byudjetten subsidiyalar ajratıladı.
tolıq quwat menen islemey atırǵan mámleketlik baqshalarına 2 jastan 3 jasqa shekem balalardı pullıq xızmet kórsetiw formasında qabıllawǵa ruxsat beriledi;
keshki smenada hayal-qızlar isleytuǵın kárxana hám shólkemler óz janında baqsha shólkemlestirgende, olardaǵı tárbiyashilardıń is haqı byudjetten qaplap beriledi.
Sonday-aq, mámleketimiz tárepinen Isbilermenlikti jolǵa qoyıw ushın
hayal-qızlarǵa 33 mln sumǵa shekem 14 procentlik kreditler beriledi:
-shańaraqlıq isbilermenlik ushın - 3-6 ayǵa shekem jeńillikli dáwir menen 3 jılǵa shekem;
-sharwashılıq, balıqshılıq, qusshılıq ushın - 1 jılǵa shekem jeńillikli dáwir menen 3 jılǵa shekem;
-baǵshılıq, júzimgershilik hám limonshılıqtı shólkemlestiriw, ıssıxana, awıl xojalıǵı texnikası hám ásbap-úskenelerdi satıp alıw ushın - 3 jılǵa shekem jeńillikli dáwir menen 7 jılǵa shekem ajıratıladı.
Hayallarǵa 5 mln sumǵa shekem kreditler naq beriliwi múmkin.
“Hayallar dápteri”ne 30 jastan asqan tómendegi hayal-qızlar kiritiledi:
-sociallıq qorǵawǵa mútáj jumıssız hayal-qızlar;
-isbilermenlik etiw qálewinde bolǵan mútajligi bar hayal-qızlar;
-baǵıwshısı bolmaǵan mútajligi bar hayal-qızlar;
-sociallıq járdemge mútáj I hám II topar mayıplıǵı bolǵan, qıstawlı medicinalıq emlewge mútáj hayal-qızlar;
-turaq-jayǵa mútáj hayal-qızlar;
-qaramaǵında mayıplıǵı bolǵan perzentleri bar mútajligi bar hayal-qızlar.
Nókis qalasi ádillik bólimi
Yuridikaliq xizmet kórsetiw orayi
bas yuriskonsulti A.Seytnazarov