Янгиликлар
26
AYMAQLARDA “IT-QALASHALARÍN SHÓLKEMLESTIRIW.
AYMAQLARDA “IT-QALASHALARÍN SHÓLKEMLESTIRIW.
Prezidentimizdiń 15-may 2024-jıldaǵı “Aymaqlarda jaslarǵa sanlastırıw texnologiyaları hám shet tillerin úyreniw ushın qosımsha sharayatlar jaratılıwına qaratılǵan “IT-qalasha”lar iskerligin shólkemlestiriw haqqında”ǵı PQ-178-san qararı qabıl etildi.
Usı jıldıń ótken tort ayı dawamında tarawdaǵı xızmetler kólemi 20 procent o'sdi, 200 million dollarlıq eksport etildi hám 5 mıń jańa jumıs ornı jaratıldı.
Bıraq, aymaqlar kesiminde qaraǵanda, IT xızmetlerin hám eksportınıń tiykarǵı úlesi Tashkent qalasına tuwrı kelip atırǵanlıǵı. Sonday-aq qánigelerdiń 80 procenti paytaxtda jasap atırǵanlıǵıń esapqa alıp, bul tarawdı shetki aymaqlardan rawajlandırıw maqsetinde, IT-qalashalar shólkemlestiriw joybarlastırıldı.
Mámleketimiz aymaqlarında sanlastırıw salasında qánigeler tayarlaw iskerligin keńeytiw hám eksport potencialın asırıw maqsetinde Samarqand wálayatı Nurabad rayonı tájiriybesi tiykarında “IT-qalasha”lar shólkemlestiriledi.
Joybarǵa kóre, daslep Shımbay, G'ijduvon, Zomin, Sharaf Rashidov, Farish, Xatirchi, Pop, SHaxrisabz, Qúshrabot, Sariosiyo, Sirdaryo, Parkent, Taslaq hám Topıraqqala rayonları hám de Xanabad qalalarında da usınday aymaqlar shólkemlestiriw isleri ámelge asırıladı.
“IT-qalasha”larning tiykarǵı iskerlik baǵdarları :
• jaslardı sanlı texnologiyalar tarawına báǵdarlaw, olardıń usı tarawda bilim alıwı boyınsha qızıǵıwshılıqların jetilistiriw;
• seminarlar, mentorlik programmaları hám onlayn tálim resursları arqalı jaslarda olardıń miynet bazarında jetiskenlikke erisiwge járdem beretuǵın sanlı texnologiyalar tarawındaǵı kónlikpelerdi qáliplestiriw hám rawajlandırıw;
• dastúrlew hám sanlı texnologiyalardan paydalanǵan halda xızmetler kórsetiw baǵdarlarında tálim beriw, shet el tilleri, sonday-aq inglis tiline oqıtıw arqalı jaslardıń bilim hám potencialın asırıw ;
• jas áwladtı zamanagóy kásiplerge oqıtıw, sonıń menen birge, tábiyiy resurslardan aqılǵa say tárizde paydalanıw kónlikpelerin asırıw.
Aymaqlarda shólkemlestiriletuǵın “IT-qalasha”lar Sanlı texnologiyalar ministrligi janındaǵı Sanlı tálimdi rawajlandırıw orayınıń yuridikalıq shaxs statusına iye bolmaǵan bólimsheleri esaplanadı.
IT-qalashalarda jılına 10 mıńǵa jaqın jaslar IT, shet tili hám basqa zamanagóy kásipler boyınsha biypul oqıtıladı.
Mámleketimiz basshısı bunday qalashalar jaslar ushın qolay orında júzege keliwi hám de olarda joqarı maman qánigeler sabaq beriwi zárúr ekenligin aytıp ótdi.
-Joqari kóterińkilik penen ózgerip atırǵan dáwirde hámme tarawǵa informaciya texnologiyaların biletuǵın kadrlar kerek. Bul tarawda xızmetler ushın da, eksport ushın da eń tiykarǵı resurs bul - maman qánigeler. IT-qalashalar bul jolda jaslarǵa qanat bolatuǵın, zamanagóy kásiplerge uyretetuǵın sistema bolıwı kerek,- dedi Shavkat Mirziyoev.
Sonıń menen birge, IT tálim hám programmalıq ónim baǵdarındaǵı joybarlar boyınsha 1 milliard súmǵa shekem bolǵan startaplar tańlawın IT-Park arqalı ótkeriw usınısı bildirildi.
Mámleketimiz basshısı bul tańlawda da “President Tech Award”dagı sıyaqlı, abıroylı xalıq aralıq kompaniyalar tárepinen bahalawdı jolǵa qoyıw zárúr ekenligin aytıp ótdi.
Jasalma intellekt programmaların jaratıw hám qóllaw boyınsha da tabıslı jumıslar alıp barılmaqta.
Sanlı texnologiyalar salasın jańa basqıshqa alıp shıǵıw maqsetinde jasalma intellekt hám kosmik iskerlikke tiyisli normativlik-huqıqıy hújjetlerdi jetilistiriw wazıypası qoyıldı.
Oqıw ádebiyatları, metodikalıq qóllanba hám basqa tálim resursları menen támiyinlew, mentorlar xızmetine haqı tólew hám de ajıratılǵan jay hám imaratlardı saqlaw ǵárejetleri Sanlı texnologiyalar ministrligi janındaǵı Sanlı texnologiyalardı rawajlandırıw fondı hám de nızamshılıqta qadaǵan etilmegen basqa derekler esabınan finanslashtiriladi.
“IT-qalasha”larnıń imaratların qurıw, barların kapital remontlaw, mebel, kompyuter texnikası hám de taǵı basqa qurallar menen támiyinlew investitsiyalar, jergilikli byudjet, mámleket-menshikli sheriklik, aldaǵı isbilermenler, qáwenderlik qarjıları hám nızamshılıqta qadaǵan etilmegen basqa derekler esabınan finanslashtırıladı.
Shomanay rayonı ádillik bólimi
yuridikalıq xızmet kórsetiw
orayı baslıǵı B.Utemuratov