Янгиликлар
24
Qaraqalpaqstan Respublikası Ádillik ministrligi tárepinen Intellektuallıq múlk huqıqların qorǵaw tarawında ámelge asırılǵan jumıslar
Qaraqalpaqstan Respublikası Ádillik ministrligi tárepinen Intellektuallıq múlk huqıqların qorǵaw tarawında ámelge asırılǵan jumıslar
Ministrlik tárepinen 2024-jıldıń birinshi yarımında tarawda qatar jumıslar ámelge asırıldı.
Tiykarınan, xalıqtıń intellektuallıq múlk tarawındaǵı huqıqıy túsiniklerin arttırıw maqsetinde aymaqta jaylasqan bazarlar hám sawda komplekslerde 17 mártebe profilaktikalıq ilajlar ótkerilgen bolsa, 2 mártebe oqıw orınlarında seminarlar ótkerildi. Ótkerilgen profilaktikalıq ilajlarda tarawǵa baylanıslı nızam hújjetlerine túsinikler berilgen 200 den aslam bukletler hám 200 den aslam kontrafakt ónimler katalogları tarqatıldı. Sonıń menen birge, 21 mártebe ǵalaba xabar qurallarınan shıǵıwlar ámelge asırıldı.
Bunnan tısqarı, ózleriniń jaratqan intellektuallıq múlk obyektlerin patentlewde ámeliy járdem sorap múrájat qılǵan 50 den aslam puqaralar hám isbilermenlik subyektlerine huqıqıy járdemler kórsetildi. Sonday-aq, intellektuallıq múlkke bolǵan múlk iyeleriniń múrájatlarına tiykar 4 mártebe tekseriwler ótkerilip, anıqlanǵan nızambuzıwshılıq jaǵdayları boyınsha orınlanıwı májbúriy bolǵan 1 usınıs kirgizilgen bolsa, 2 jaǵdayda hákimshilik juwapkershilik haqqında bayanlama rásmiylestirilip tiyisliligi boyınsha sudlarǵa kiritilip nızambuzıwshılıq jaǵdayları tolıq saplastırıldı.
Sonday-aq, avtorlıq huqıqlarına ámel etiliwi jaǵdayın úyreniw boyınsha mámleketlik shólkemlerde 10 mártebe tekseriwler ótkerilip, 9 jaǵdayda avtorlardıń huqıqları buzılıwı jaǵdayları anıqlandı. Anıqlanǵan nızambuzıwshılıq jaǵdayların saplastırıw boyınsha orınlanıwı májbúriy bolǵan 9 usınıslar kirgizilip avtorlardıń 130 dóretpelerine bolǵan avtorlıq huqıqları qorǵalıwı támiyinlendi.
Intellektual múlk huqıqların
qorǵaw boyınsha bas másláhatshi N.Esnazarov