Янгиликлар

Miynet nızamshılıǵında jaslar ushın belgilengen jeńillikler

---

               Miynet nızamshılıǵında jaslar ushın belgilengen jeńillikler

Ózbekstan Respublikası Miynet kodeksinde jaslar ushın óz aldına jeńillikler belgilengen.
Atap ótkende, 16 dan 18 jasqa shekem bolǵanlar ushın jumıs waqtı háptesine 36 saat, 15 ten 16 jasqa shekemgi bolǵanlar ushın háptesine 24 saattan aspawı kerek.
    On segiz jasqa shekemgi bolǵan shaxslarǵa Ózbekstan Respublikası «Xalq bántligi haqqında»ǵı Nızamına muwapıq belgilenetuǵın eń kem jumıs orınları esabınan rezervdegi jumıs orınlarına jergilikli miynet uyımlarınıń jollaması menen jumısqa jaylastırıwı kepillenedi.
    On besten jastan on altı jasqa shekemgi bolǵan xızmetkerler ushın – altı kúnlik jumıs háptesinde-tórt saattan, bes kúnlik jumıs háptesinde – bes saattan, on altıdan on segiz jasqa shekemgi bolǵan xızmetkerler ushın bolsa altı kúnlik jumıs háptesinde – altı saattan, bes kúnlik jumıs háptesinde – jeti saat otız minuttan hár kúnlik jumıstıń (smenanıń) dawamlıǵı aspawı kerek.  
    On segiz jasqa shekemgi bolǵan xızmetkerlerdi xızmet saparına jiberiw, túngi jumıslarǵa, dem alıs kúnleri hám islenbeytuǵın bayram kúnleri jumıslarǵa qatnastırıw qadaǵan etiledi.
    On segiz jasqa shekemgi bolǵan xızmetkerlerge dawamlıǵı keminde otız kalendar kún bolǵan jıllıq miynet dem alısı beriledi hám olar bul dem alıstan ózleri ushın qolay bolǵan qálegen waqtında paydalanıwı múmkin.
On segiz jasqa shekemgi bolǵan xızmetkerlerin jıllıq miynet dem alıstan shaqırıp alıwǵa jol qoyılmaydı.  
On segiz jasqa shekemgi bolǵan xızmetkerler menen miynet shártnamasın jumıs beriwshiniń baslaması menen biykar etiwge, miynet shártnamasın biykar qılıwdıń ulıwmalıq tártibine ámel etiwden tısqarı, jergilikli miynet uyımınıń razılıǵı menen jol qoyıladı.  

Moynaq rayonı ádillik bólimi
yuridikalıq xızmet kórsetiw orayı baslıǵı                                        M.Koluzanov

---