Янгиликлар
19
Diniy ekstremizm hám terrorizmnen awlaq bolıń
Diniy ekstremizm hám terrorizmnen awlaq bolıń
Globallasıw shárayatında ekstremizm hám terrorizmge qarsı nátiyjeli gúresiw máselesi kún tártibindegi aktual máselelerden biri bolıp qalıp atır.
Búgingi kúnde ekstremistik hám xalıq aralıq terrorshılıq shólkemleri diniy isenim nıqabı astında jaslardı zorlıqshılıqqa, milliy ózligin, mádeniy-aǵartıwshılıq hám shańaraqqa tiyisli qádiriyatların joytıwǵa úndew jolı menen jámiyette zorlıqshılıq tarqatıwdı dawam ettirip atır.
Sonlıqtan, ekstremizm hám terrorizmniń aldın alıw hám shek qoyıwǵa qaratılǵan jánede nátiyjeli is-ilájlardı belgilew, milliy hám xalıq-aralıq dárejedegi is-háreketlerdi birlestiriw mámleket siyasatınıń áhmiyetli baǵdarlarınan esaplanadı.
2017-2021-jıllarda Ózbekstan Respublikasın rawajlandırıwdıń bes turaqlı baǵdarı boyınsha Háreketler strategiyasında belgilengen wazıypalardan kelip shıqqan halda, sonday-aq ekstremizm hám terrorizmge qarsı gúresiw is-ilájların jedellestiriw maqsetinde 2021-2026-jıllarǵa baǵdarlanǵan ekstremizm hám terrorizmge qarsı gúresiw boyınsha Ózbekstan Respublikası Milliy Strategiyasın ámelge asırıw júzesinen «Jol kartası» islep shıǵıldı hám strategiyanıń turaqlı baǵdarları etip tómendegiler belgilendi:
Ekstremizm hám terrorizm ideyaları tarqalıwınıń aldaın alıw maqsetinde watan súyiwshilik, milliy qadriyatlar hám bawrıkeńlik ideologiyasın en jaydırıw;
Erjetpegenler hám jaslar arasında ekstremizm hám terrorizm ideyaları tarqalıwınıń aldın alıw.
Hayal-qızlar huqıqların qorǵaw hám olardıń ekstremizm hám terrorizmge qarsı gúresiwdegi rolin kúsheytiriw.
Uzaq múddet shet elde bolǵan puqaralardı ekstremizm hám terrorizm ideyaların en jaydırıw tásirinen qorǵaw.
Internet tarmaǵınan ekstremistik va terrorshılıq maqsetlerde paydalanıwǵa qarsı gúresiw.
Ekstremizm hám terrorizmge qarsı gúres tarawında normativ-huquqıy bazanı jedellestiriw.
Taxtakópir rayonı
Yuridikalıq xızmet kórsetiw orayı baslıǵı A. Allaniyazov