Янгиликлар
18
Qaraqalpaqstan Respublikası Ádillik ministrligi tárepinen puqara K.Anıń qánigelik dárejesi tiykarsız túsirilgenliginen narazılıǵı hám de tólenbey qalǵan is haqı pulların óndirip beriw haqqındaǵı múrájatı qanaatlandırıldı.
Qaraqalpaqstan Respublikası Ádillik ministrligi tárepinen puqara K.Anıń qánigelik dárejesi tiykarsız túsirilgenliginen narazılıǵı hám de tólenbey qalǵan is haqı pulların óndirip beriw haqqındaǵı múrájatı qanaatlandırıldı.
Qaraqalpaqstan Respublikası Ádillik ministrligine puqara K.A múrájat qılıp, óz múrájatında laboratoriya diagnozı boyınsha qánigeligi ekinshi qánigelik dárejesine túsirilgenliginen narazılıǵı hám de is haqısın qayta esaplawda ámeliy járdem soraǵan.
Úyreniw dawamında, puqara K.Aǵa Innovatsion den sawlıqtı saqlaw milliy palatasınıń 2022-jıl 4-marttaǵı 9-san buyrıǵı menen laboratoriya diagnozı qánigeligi boyınsha birinshi qánigelik dárejesi berilgen hám de usı qánigelik dárejesi boyınsha is haqı esaplanıp kelingenligi málim boldı.
Sonday-aq, puqara K.A 2023-jıl 24-oktyabr kúni óz qálewine kóre joqarı qánigelik dárejesi sertifikatına iye bolıw ushın náwbetten tısqarı qánigelik attestatsiyasında qatnasqan hám de qánigelik imtihanı nátiyjesi boyınsha Medicina hám farmacevtika xızmetkerleriniń qánigeligin bahalaw orayınıń 2023-jıl
30-oktyabrindegi 50-san buyrıǵı menen puqaraǵa laboratoriya diagnozı qánigeligi boyınsha ekinshi qánigelik dárejesi berilgenligi anıqlandı.
Ózbekstan Respublikası Ministrler Kabinetiniń 2023-jıl 18-sentyabrdegi
477-sanlı qararı menen tastıyıqlanǵan “Medicina hám farmacevtika xızmetkerlerin attestatsiyadan ótkeriw hám olarǵa qániygelik dárejelerin beriw boyınsha mámleketlik xızmetlerin kórsetiwdiń hákimshilik reglamenti”niń 6-bántine muwapıq óz qálewine kóre náwbetten tısqarı attestatsiyada qatnasıp, qániygelik dárejesin arttırǵan medicina hám farmatsevtika xızmetkerlerine asırılǵan qániygelik dárejesi boyınsha is haqı tóleniwi, sonday-aq, náwbetten tısqarı attestatsiyada qatnasıp, attestatsiyadan óte almaǵan medicina hám farmatsevtika xızmetkerleriniń qániygelik dárejesi túsirilmewi belgilep qoyılǵan.
Joqarıdaǵılarǵa kóre, puqara K.A birinshi qánigelik dárejesin tiklep beriw hám is haqı pulların birinshi qánigelik dárejesine muwapıq tólew boyınsha Ózbekstan Respublikası Ádillik ministrligi tárepinen Medicina hám farmacevtika xızmetkerleriniń qánigeligin bahalaw orayına orınlanıwı májbúriy bolǵan usınıs kiritildi hám de birinshi qánigelik dárejesi tiklep berildi.
Qaraqalpaqstan Respublikası Ádillik ministrligi
Insan huqıqların qorǵaw sektorı baslıǵı
A. Moldaxmetov