Янгиликлар
27
Mámleketlik xızmetler orayı tárepinen ótken 2023 jıl dawamında qanday jumıslar ámelge asırıldı?
Mámleketlik xızmetler orayı tárepinen ótken 2023 jıl dawamında qanday jumıslar ámelge asırıldı?
Mámleketlik xızmetler oraylarınıń shólkemlestiriliwi tek ǵana isbilermenlik subektlerine ǵana emes al, puqaralar ushın da úlken qolaylıqlar esigin ashıp berdi. Aldınları puqaralar bir hújjet alıw ushın onlaǵan mekemege barıp qımbatlı waqıtların ketirip áwere bolıp júrgen bolsa, endilikte kóp xızmetler bir jerdiń ózinde kórsetilip, jıllar dawamında payda bolıp qalǵan mashqalalar bir jerdiń ózinde unamlı sheshilmekte.
Ótken 2023-jıl dawmaında Qanlıkól rayonı Mámleketlik xızmetler orayı tárepinen xalqımızǵa 25 mıńǵa jaqın mámleketlik xızmetler kórsetildi.
495 isbilermenlik subektleri mámleketlik dizimnen ótkerilgen bolsa, sonnan 206 yuridikalıq shaxslardı, 289 jeke tártiptegi isbilermenlik subektlerin quraydı.
Isbilermenlik subektlerin qayta mámleketlik dizimnen ótkeriwde bolsa 132 yuridikalıq shaxslar ham 93 jeke tártiptegi isbilermenlik subektleri qayta dizimnen ótkerildi.
Isbilermenlik subektlerin mámleketlik reestrden shıǵarıwda bolsa jámi 90 yuridikalıq shaxslar hám 23 jeke tártiptegi isbilermenlik subektleri saplastırıldı.
Sonıń menen birge, oray qániygeleri tárepinen ulıwma orta bilim beriw mektepleriniń joqarı klass oqıwshılarına Mámleketlik xızmetlerden onlayn paydalanıwdıń abzallıqları boyınshada túsinik jumısları alıp barılıp, “ashıq esikler” kúni ilájları ótkerildi.
Bunnan kózlengen maqset ósip kiyatırǵan jas áwladqa házirden baslap Birden-bir interaktiv mámleketlik xızmetlerinen paydalanıw mádeniyatın asırıw, olarǵa mámleketlik xızmetler boyınsha tolıq túsinikler beriw, onlayn túrde óz úylerinen yamasa oqıw orınlarınan shıqpaǵan halda xızmetlerden erkin paydalana alıw boyınsha bilim hám kónlikpelerin asırıwdan ibárat.
Sonday-aq, oray qániygeleri tárepinen turaqlı ráwishte alıs awıllıq jerlerde jasawshı puqaralarǵa qolaylıq jaratıw maqsetinde kóshpeli xızmetler kórsetilip kelinbekte. Nátiyjede ótken 2023-jıl dawamında 1257 mámleketlik xızmetler kóshpeli tártipte kórsetildi.
Kórsetilip atırǵan bunday kóshpeli xızmetler puqaralardıń jumıslarınıń unamlı sheshiliwine xızmet etpekte.
Qanlıkól rayonı ádillik bólimi
MXO bólim baslıǵı D Qudenov