Янгиликлар
26
Puqaralıq protsessual kodeksine ózgertiw hám qosımshalar kirgizildi
Puqaralıq protsessual kodeksine ózgertiw hám qosımshalar kirgizildi
Keyingi jıllarda “Jańa Ózbekstan — jańa sud” Principi sheńberinde xalıqtıń ádil sudlovga erisiw múmkinshiliklerin jáne de keńeytiwge, insannıń qádir-qımbatın támiyinlewge qaratılǵan áhámiyetli reformalar ámelge asırıldı.
Atap aytqanda, mámleketimizde sud-huqıq sistemasın jáne de jetilistiriw, puqaralar hám isbilermenlerdiń huqıqları hám de nızamlı máplerin isenimli qorǵaw ilajların kúsheytiw, ádil sudlawdi nátiyjeli támiyinlew boyınsha sistemalı jumıslar alıp barıldı. Alıp barılǵan jumıslar nátiyjesinde ádil sudlawdı ámelge asırıw processinde puxaralardıń huqıqları hám nızamlı máplerin qorǵaw dárejesi jańa basqıshqa shıqtı.
Búgingi kúnde sud qararların qayta kóriw institutınıń analizi usı instituttı jetilistiriw arqalı ámeldegi tártipti qayta kórip shıǵıw zárúr ekenligin kórsetpekte.
Usı nızam menen:
Islerdi wálayat sudida hám olarǵa teńlestirilgen sudda baqlaw tártibinde kóriw basqıshı engizildi.
Joqarı turıwshı sud tárepinen tómen sudlardıń biykar etilgen qararların jańadan kóriw ushın qaytaldan sol sudlarǵa jiberiw tártibi shıǵarıp taslandı.
Hár bir sud instansiyasına is boyınsha juwmaqlawshı qarar shıǵarıw minnetlemesi júkletildi.
Sud buyrıǵın bıykarlawdı qaytarıw haqqındaǵı sud uyǵarıwı ústinen jeke shaǵım (protest) beriliwi múmkinligi belgilendi.
Arzanı is júritiwge qabıl qılıwdı qaytarıw haqqındaǵı suddıń uyǵarıwı ústinen jeke shaǵım (protest) beriliwi múmkin. Uyǵarıw biykar etilgen táǵdirde, arza sudqa dáslepki múrájáát etilgen kúnde berilgen dep esaplanadı.
Apellyatsiya, kassatsiya hám baqlaw instansiyasi sudınıń uyparıwı, qararı qabıl etilgeninen keyin sol waqıtta nızamlı kúshke kiredi.
Birinshi instansiya sudınıń apellyatsiya yamasa kassatsiya tártibinde kórilgen sheshiwshi qararı, uyparıwı, qararı hám de apellyatsiya yamasa kassatsiya instansiyas sudınıń uyparıwı ústinen baqlaw tártibinde shaǵım (protest) beriliwi múmkin.
Qaraqalpaqstan Respublikası sudınıń, wálayatlar hám Tashkent qala sudlarınıń puqaralıq isleri boyınsha sudlaw kollegiyasında, Ózbekstan Áskeriy sudında baqlaw tártibinde kóriletuǵın shaǵım (protest) usı sudlar atına jibenedi, bıraq sud hújjetin qabıl etken birinshi instansiya sudına beriledi.
Oliy sudtıń Puqaralıq isleri boyınsha sudlaw kollegiyasında baqlaw tártibinde kóriletuǵın shaǵım (protest) tikkeley Oliy sudtıń Puqaralıq isleri boyınsha sudlov kollegiyasına beriledi.
Oliy sud baslıǵınıń, bas prokurordıń Oliy sud Rayosatına baqlaw tártibindegi protesti tikkeley Oliy sudqa beriledi.
Baqlaw tártibindegi shaǵım (protest) birinshi instansiya sudınıń sheshiwshi qararı, uyparıwı, qararı nızamlı kúshke kirgen kúnden baslap 1 jıl ishinde beriledi.
Juwmaqlastırıp aytqanda nul Nızam menen puqaralardıń Ózbekstan Respublikası Konstitusiyasında kózde tutılǵan sud arqalı qorǵaw hám sudqa shaǵım qılıw huqıqlarınıń kepilliklerin jáne de asırıwǵa, puqaralardıń buzılǵan huqıqları hám erkinliklerin, sonıń menen birge nızamlı máplerin jáne de keńeytiwge, ádil sudlawdan paydalanıw dárejesin jáne de asırıwǵa, sudyalardıń is kólemin hám de júklemesin proporcional tárzde belgilewge, sudlardıń juwapkerligin jáne de asırıwǵa, islerdiń sapalı hám óz waqıtında kóriliwine, sud qararların qayta kóriwde orta buwın — wálayat sudı hám olarǵa teńlestirilgen sudlar múmkinshiliklerinen nátiyjeli paydalanıwǵa, sonıń menen birge puqaralardıń suddagi artıqsha ǵárejetleri únemleniwine xızmet etedi.
Tayarladı; Qaraózek rayonı Yuridikalıq xızmet korsetiw orayı bas yuris konsultı Tilewbaev Timur Dawletbay uli,