Янгиликлар
25
Ajırımnıń aldın alıw
Ajırımnıń aldın alıw
Shańaraq jámiyettiń baslanǵısh buyını esaplanadı. Shańaraq tınısh bolsa
jámiyet tınısh boladı.Tilekke qarsı keyingi jılları ajırımlar sanı bir neshege kóbeyib
atırǵanlıǵı hesh kimge sır emes. Bunıń aqıbetinde ayıpsız perzentler jetim bolıp ata yamasa
ana tárbiyasınan biynesip qaladı, nátiyjede perzentler bolsa ata-analar ortasında jaltaq bolıp er jetedi. Álbette bunday jaǵdaylar jámiyetke ózinıń zıyanın keltiredi. Ajırım jaǵdayları shańaraqtaǵı kelispewshilikler, óz-ara muxabbatıń joqlıǵı , minezlerinıń tuwrı kelmewi , er yamasa hayaldıń keselligi , ashinarlısı ayırım erkeklerdiń ishiwshilikke berilip ketiwi nátiyjesinen kelip shıqpaqta. Bunnan sheshim shıǵarǵan halda hár birimiz shańaraq
bekkemligi , onı saqlap qalıw ushın hámde shańaraqlıq ajırımlardı keskin azaytıwda shańaraqta er hám hayal múnásibetlerin ,olardıń wazıypaların tolıq biliwimiz hám oǵan ámel etiwimiz , jas shańaraqlarǵa kóbirek bar másláhátlarımızdı berip barıwımiz kerek. Búgingi kúnde ayırım jaslar kekse ata-analar yamasa awıl aqsaqallarınıń sózlerine qulaq aspay yaki ómir tájiriybesine bay nuraniylarımız jaslarǵa ózlerinıń násiyhatların beriwdi umıtıp qoyǵan. Solay eken hár birimiz ajırımdı boldırmaw ushın , onı asrab abaylaw maqsetinde awıl aqsaqalları, profilaktika inspektorları, jarastırıw komissiyası aǵzaları menen birgelikte at salısıp jumıs alıp barsaq bir qansha joqarı nátiyjelerge erisemiz degen úmittemiz.
Seytjanova Jupar Turganbaevna
Qanlıkól rayonı ádillik bólimi PHAJ bólimi 1-dárejeli inspektorı