Янгиликлар
21
Perzentlikke alıwdı dizimge alıw tártibi
Perzentlikke alıwdı dizimge alıw tártibi
Balanı perzentlikke alıw tártibi «Shańaraq» kodeksine tiykar dizimde alinadı.Shańaraq kodeksinde kostituciyalıq normalarǵa muwapıq balanıń shańaraqta tárbiyalanıwı shańaraq nizamshılıǵınıń eń joqarı qatlamlarınan biri sıpatında tán alınǵan. 2013-jılı «Shańaraq» kodeksiniń 20- babına ózgeris kiritildi. Bunda perzentlikke alıw puqaralıq sudlarǵa ótkerildi. Perzentlikke alıw institutı ata-ana qaramaǵınan ayırılǵan balalardıń huqıq hám nizamlı máplerin qorǵawdıń tiykarǵı kepilliklerinen biri ekenligin názerge alǵan halda usı máseleni sheshiw wákillikli sudlarǵa beriliwi shańaraq institutın jánede bekkemlew, fizikalıq deni saw, aqlıy jetik áwladtı tárbiyalawda shańaraqtıń áhmiyetin kúsheyttiriw hámde shańaraq qatnasıqlarda nizamshılıqtı támiyinlewde sud xakimiyatınıń abırayın asrıwǵa xızmet etedi. Perzentlikke alıwdı qálewshi puqaralardıń arzasına tiykar qáwenderlik hám amangerlik bóliminiń balanıń mápin gózlegen halda juwmaǵına tiykar puqaralıq sudda kóriledi. Ózbekstan Respublikası Ministrler Kabinetiniń 2023-jıl 20-oktyabrdegi 550 sanlı «Neke, shańaraq hám puqaralalıq halatı akt jazıw bólimi tarawında normativ huqıqıy hújjetlerdi sistemalastırıw haqqında» qararina tiykar er jetken puqaralar perzentlikke alıwshılar bolıwı múmkin. Perzentlikke alıw balanıń tuwılıw haqqında akt jazıwı dizimge alınǵan PHAJ bólimi tárepinen, eger balanıń tuwılǵan jeri ózgergen bolsa perzentlikke alıw haqqında sudtıń qararında kórsetilgen jerdegi PHAJ bólimi tárepinen, qararda kórsetilmegen jaǵdayda perzentlikke alıwshılardıń jasaw mánziline qaramastan qálegen PHAJ bólimi tárepinen ámelge asırıladı. Perzentlikke alıwdı dizimge alıwda puqaralıq sud qararı hamde perzentlikke alıwshılardıń shaxsın tastıyıqlawshı hújjetleri usınıladı. Perzentlikke alıw –bul basqa adamnıń perzentin óz perzentine teńlestirib alıw bolıp bunda perzentlikke alıwshılar menen perzentlikke alınǵanlar arasında tuwǵan ata-ana menen balaları arasındaǵıday huqıqıy qarım-qatnasıqlar payda boladı. Perzentlikke alıwdıń huqıqıy áhmiyeti sonda, perzentlikke alınǵan balalar barlıq shaxsiy hám múlkiy huqıqlarda perzentlikke alıwshınıń óz balalarına hesh gumansız teńlestiriledi. Perzentlikke alıw sır saqlanıwı kerek. Onı áshkár etiwde ayıplı esanlanǵan shaxslar nizam hújjetlerine tiykar juwap beredi.
Avezova Perixan Xojabekovna
Qanlıkól rayonı ádillik bólimi PHAJ bólimi baslıǵı