Янгиликлар
21
Joybar-smeta hújjetlerin kelisiw boyınsha mámleketlik xızmetleri kórsetiwdiń hákimshilik reglamenti.
Joybar-smeta hújjetlerin kelisiw boyınsha mámleketlik xızmetleri kórsetiwdiń hákimshilik reglamenti.
Reglament yuridikalıq hám fizikalıq shaxslar yamasa olardıń buyırtpasına muwapıq joybarlawshı shólkemler tárepinen berilgen sorawnamaǵa tiykar jer maydanı kólemine qaramastan, barlıq túrdegi ımaratlar, jeke tártiptegi turaq-jaylar, kóp-kvartirali úyler, suw támiynatı, kanalizaciya hám aqaba suwdi tazalaw sistemaları, gidrotexnikalıq imaratları hám basqa ob'ektlerdiń joybar-smeta hújjetleriniń arxitektura bólegin kórip shıǵıw hám kelisiwdi belgileydi.
Joybar-smeta hújjetleri tiyisli litsenziyası bolǵan joybar shólkemi tárepinen islep shıǵıladı. Joybar-smeta hújjetlerinde imarat hám de jeke tártiptegi turaq-jaydıń ulıwma maydanı (kvadrat metr) kórsetiliwi kerek.
Eki qabattan joqarı bolmaǵan (tsokolni esapqa almaǵan halda), biyikligi jer betinen 12 metrden hám ulıwma maydanı 500 kvadrat metrden artıq bolmaǵan jeke tártiptegi turaq-jaylar hám 300 metr kubdan artıq bolmaǵan turar emes jay hám imaratlardı qurıw hám de rekonstruktsiya etiw joybar-smeta hújjetlerin ekspertizadan ótkeriw hám qurılıs tarawında aymaqlıq qadaǵalaw inspektsiyalarınan dizimnen ótkeriw talap etilmeydi.
Joybar-smeta hújjetlerin kelispesten jay-imaratlardı qurıw hám rekonstruktsiya etiw qadaǵan etiledi.
Jeke tártiptegi turaq-jaylardı qurıw joybar-smeta hújjetleri tómendegilerden ibarat boladı
1. Jer ústi (turaq-jay qurılısı ushın jańa ajıratılǵan jer uchastkaları ushın - jer astı injenerlik kommunikatsiyaları sáwlelendirilgen) jer uchastkası sızılması;
2. Jeke tártiptegi turaq-jaydıń tiykarları, tóleleri, qabatları, olardıń kesindileri hám imaarattıń aldı tárepi sızılmaları;
3. Finanslıq smeta esap-kitabı (kredit alıwǵa mútajlik bolǵan táǵdirde)
Imaratlardıń joybar -smeta hújjetleriniń arxitekturaǵa tiyisli bólegine Imaarat qurılısınıń jaylasıwı sáwlelendirilgen joybar rejesi, reńli fasadları, qabatlar jobaları, kesindileri, qurılıs ob'ektiniń bas jobası boladı.
Joybar-smeta hújjetleri
- Qaraqalpaqstan Respublikası Qurılıs ministrligi, wálayatlar hám Tashkent qala qurılıs bas basqarmaları janındaǵı aymaqlıq arxitektura-qalasazlıq keńesleri tárepinen - tariyxıy zonalarda, mádeniy esteliklerdi qorǵaw zonalarında, Tashkent, Nókis qalaları hám wálayat oraylarında qurılatuǵın ob'ektlerdiń hám de mámleket ob'ektleri boyınsha bes jumıs kúni dawamında;
- Qaraqalpaqstan Respublikası Qurılıs ministrligi, wálayatlar hám Tashkent qala qurılıs bas basqarmaları tárepinen - eki qabattan joqarı (tsokoldı esapqa almaǵan halda), biyikligi jer betinen 12 metrden hám (yamasa) ulıwma maydanı 500 kvadrat metrden artıq bolǵan jeke tártiptegi turaq-jaylar hám 300 metr kubdan artıq bolǵan turar emes jay hám imaratlar boyınsha úsh jumıs kúni dawamında ;
- rayon (qala) qurılıs bólimleri tárepinen - eki qabattan joqarı bolmaǵan (tsokoldı esapqa almaǵan halda), biyikligi jer maydanınan 12 metrden hám (yamasa) ulıwma maydanı 500 kvadrat metrden artıq bolmaǵan jeke tártiptegi turaq-jaylar hám 300 metr kubdan artıq bolmaǵan turar emes jay hám imaratlar boyınsha úsh jumıs kúni dawamında kórip shıǵıladı hám kelisiledi.
Mámleket xızmetlerin kórsetiw tártibi
1. Arza beriwshiler joybar-smeta hújjetlerin kelisiw ushın Mámleket xızmetlerin oraylarına ózi kelip múrajat etedi yamasa Ózbekstan Respublikası Birden-bir ınteraktiv mámleketlik xızmetleri portalında (BIMXP) mámleketlik xızmetinen elektron formada paydalanıw ushın dizimnen ótedi.
2. Joybar-smeta hújjetlerin kelisiw ushın arzalar BIMXP arqalı dem alıs hám bayram kúnlerine qaramastan, hár kúni 24 saat dawamında jiberiliwi múmkin. Bunda arzalar jumıs waqtınan keyin yamasa dem alıs hám bayram kúnleri túskende náwbettegi jumıs kúni arzalardıń wakillikli organǵa túsken hám qabıl etilgen kún dep esaplanadı.
3. Ózi kelip múrajat etkende, Mámleketlik xızmetler orayı xızmetkeri arza beriwshi atınan, BIMXP arqalı múrajat etkende bolsa - arza beriwshi ǵárezsiz túrde qosımshada keltirilgen forma boyınsha mámleketlik xızmetinen paydalanıw ushın sorawnamanı elektron formada toltıradı.
4. Sorawnamaǵa joybar-smeta hújjetleriniń elektron kórinistegi eskiz joybarı PDF yamasa JPEG formatda qosımsha etiledi.
Arza beriwshilerden joqarıda kórsetilmegen maǵlıwmatlardı hám de taǵı basqa hújjetlerdi talap etiw qadaǵan etiledi.
• Arza beriwshi zárúr maǵlıwmatlardı sorawnamaǵa kirgizgennen keyin onı óz ERI menen tastıyıqlaydı.
• Ózi kelip shaqırıq etken táǵdirde, sorawnamanı ERI menen tastıyıqlaw múmkinshiligi bolmaǵan jaǵdaylarda tiyisli qollardı identifikaciya qılıwdıń basqa quralları (daktiloskopiya, elektron qol hám basqalar) menen sorawnama tastıyıqlanishi múmkin.
Mámleket xızmetlerin kórsetiw ushın bazalıq esaplaw muǵdarınıń 50 procenti muǵdarında jıyım óndiriledi.
Tómendegiler mámleketlik xızmetti kórsetiwden bbas tartıw ushın tiykar esaplanadı:
- sorawnamada nadurıs maǵlıwmatlar kórsetiliwi;
- mámleket xızmetlerin kórsetiw ushın jıyımdı tólemew;
- tiyisli litsenziyaǵa iye bolmastan joybar-smeta hújjetleri islep shıǵılǵanlıǵı;
- zarúr jaǵdaylarda imarat bólimleriniń reńiniń átirapındaǵı jay hám imaratlar arxitektura kórinisine hám tábiyiy landshaft arxitekturasına maslastırılmaǵanlıǵı;
- imarat bólimleriniń pútin reńleri hám sırtqı kórinisleri (parapet, pilyastr, áyna, qapı hám taǵı basqa) usı jay hám imaratlardıń funktsional wazıypasına yamasa ulıwma arxitektura kórinisine uyqas kelmewi.
• Mámleket xızmetlerin kórsetiwdi basqa tiykarlar boyınsha kórip shıǵıwdan bas tartıw qadaǵan etiledi.
Juwmaq beriwshiler, wakillikli organ, Keńesler hám de rayon (qala) qurılıs bólimleri tárepinen kórip shıǵıwdan bas tartıw normativ-huqıqıy hújjettiń yamasa qalasazlıq normaları hám qaǵıydalarınıń atı, onıń bólimi, banti, kishi banti yamasa abzacsına tiykarlanǵan bolıwı talap etiledi.
• Arza beriwshiler joybar-smeta hújjetlerin kelisiwdi kórip shıǵıwdan bas tartılǵannan keyin on kún dawamında mámleketlik xızmeti kórsetiw ushın jıyımdı tólemesten joybar-smeta hújjetlerin kelisiw ushın qayta múrajat etiw huqıqına iye.
Arza beriwshiler tárepinen joybar-smeta hújjetlerin kelisiwdi kórip shıǵıwdan bas tartıw ushın tiykar bolǵan sebepler saplastırılǵannan soń tákirarıy kelisiw:
1. Keńesler tárepinen bes jumıs kúninde;
2. wákillikli organ hám de rayon (qala) qurılıs bólimleri tárepinen eki jumıs kúninde ámelge asıriladı dep belgilengen.
Taxtakópir rayonı ádillik bólimi
MXO bólim baslıǵı M.Allambergenov