Янгиликлар
19
Shomanay rayonı ádillik bólimi tárepinen “ózimiz keldik” atamasında ornına shıqqan halda kóshpeli mámleketlik xızmetler kórsetildi
Shomanay rayonı ádillik bólimi tárepinen “ózimiz keldik” atamasında ornına shıqqan halda kóshpeli mámleketlik xızmetler kórsetildi
Ádillik tarawında «Ózimiz keldik», «Siz kelmeń – ózimiz baramız», «Siz qay jerde bolsańız biz sol jerge barıp xızmet etemiz», sıyaqlı kóshpeli mámleketlik xızmetler kórsetiw boyınsha joybarlardıń ámelge asırılıp atırǵanı xalıqqa qosımsha imkaniyat hám jeńillikler jaratpaqta. Áhmiyetlisi, kóshpeli mámleketlik xızmetler kórsetiw arqalı puqaralardıń qımbatlı waqtı hám qárejeti únemlenedi. Xalqımız bolsa, jumısı tez pitkenine quwanıshlı.
Shomanay rayonı ádillik bóliminiń Mámleketlik xızmetler orayı tárepinen «Ózimiz keldik» joybarı sheńberinde rayon orayınan 25 km alısta jaylasqan “Diyxanabad” awıl puqaralar jıyınında kóshpeli mámleketlik xızmetler kórsetiw ilajları shólkemlestirildi.
Puqaralarǵa qolaylıqlar jaratıw hám olardıń sergizdan bolıwınıń aldın alıw maqsetinde ótkerilgen ushırasıw barısında puqaralarǵa sistemanıń áhmiyetli tárepleri hám onnan paydalanıw qaǵıydaları túsindirildi. Sol jerdiń ózinde 15 puqara Mobil-ID elektron sistemasınan identifikaciyalandı. Sonday-aq, puqaralarǵa balaların mektepke shekemgi bilimlendiriw shólkemine jaylastırıw boyınsha 20 dan aslam mámleketlik xızmetler kórsetildi.
Shomanay rayonı ádillik bólimi
Mámleketlik xızmetler orayı bólim baslıǵı
A.ORAZBAYEV