Янгиликлар
10
Onlayn mámleketlik xızmetler bul...
Onlayn mámleketlik xızmetler bul...
Onlayn mámleketlik xızmetler bul.-.My.gov. uz — Birden-bir interaktiv mámleket xızmetler portalı iske túsirilgen bolıp, Internet tarmaǵında Ózbekstan Respublikasınıń Húkimet portalı sheńberinde jumıs alıp barmaqta.
Mámleket xızmetlerin puqaralar tárepinen tikkeley tiyisli keńselerge murajáát etpesten turıp ámelge asırıw múmkinshiligi jaratılǵan. Házirgi kúnde úyden shıqpay turıp da barlıq túrdegi mámleket xızmetlerinen ǵárezsiz elektron túrde paydalanıw múmkinshiligi bar.
Puqaralıq halatı akt jazıw bólimi tárepinen puqaralardıń nekeden ótiwi ushın My.gov. uz — birden-bir ınteraktiv mámleket xızmetler portalı arqalı óziniń qálegen PHAJ bólimine arza beriwine boladı. Arzası kelip túsken PHAJ bóliminen medicinalıq kórikten ótiwi ushın jollamasın alıwına yaki bolmasa ózi jollamasın shıǵartıp alıp, medicinalıq kórikten ótiwine boladı. Usı sistemanıń puqaralarǵa abzallıq tárepleri xızmet alıwshı hár qanday waqıtta sistemada ámeldegi bolǵan barlıq xızmetlerden 24 saat hám de Ózbekstan Respublikası, sonıń menen birge dúnyanıń qálegen jerinen turıp paydalanıwı múmkin. Onıń ushın tek ǵana identifikaciyadan ótken bolsańız jetkilikli.
Elektron húkimettiń tiykarǵı wazıypaları mámleket shólkemleri iskerliginiń natiyjeliligin, operativligin hám ashıqlıǵın támiyinlew, olardıń juwapkerligin hám atqarıw ıntızamın kúsheytiw, xalıq hám isbilermenlik subektleri menen informaciya almasıwdı támiyinlewdiń qosımsha mexanizmlerin hám de arza beretuǵınlar ushın mámlekettiń pútkil aymaǵında mámleket shólkemleri menen óz-ara munasábetlerdi elektron húkimet sheńberinde ámelge asırıw boyınsha múmkinshilikler jaratıwdan ibarat. Yaǵnıy jasaw mánzili, familiyası, atı, ákesiniń atı, tuwılǵan waqtı hám jeri sıyaqlı maǵlıwmatlar. Tiykarınan bul sistema islewi ushın júdá kóp basqıshlardan ótilgen boladı. Mısal ushın, puqaranıń jasaw mánzili Ishki isler ministrliginiń, shaxstıń ózine tiyisli maǵlıwmatlar Mámleket personallashtırıw orayınıń informaciya sistemalarınan, puqaranıń nekede bar joqlıǵı haqqında maǵlıwmat Respublikalıq PHAJ arxivinen alınadı. Qullası, barlıq mámleket shólkemlerine tiyisli informaciya sistemaları integraciya etilgenligi ushın bul maǵlıwmatlar birden-bir portaldan paydalanǵanda puqaralardan qayta-qayta soralmaydı. Usı jaratılǵan sistema mámleketlik xızmeti salasında áweregershilik, artıqsha waqıt hám qárejet sarıplanıwınıń, puqaralardıń ol yamasa bul qapıda uzaq gezekler kútiwleri, tanıs-bilisshilikdiń aldın alıwǵa xızmet etpekte.
Juwmaq etip aytqanda Mámleket xızmetleri tarawinda ámelge asırılıp atırǵan bul sıyaqlı jańalıqlar hám birden-bir ınteraktiv mámleketlik xızmetleri portalı (my.gov. uz) arqalı ǵárezsiz mámleket xızmetlerinen paydalanıw arqalı qımbatlı waqtıńızdı tejegen bolasız.
Qanlıkól rayonı ádillik
bólimi PHAJ
bólimi baslıǵı P.Avezova