Янгиликлар
10
Miynet etiw huqıqlarınıń konstituciyalıq kepillikleri
Miynet etiw huqıqlarınıń konstituciyalıq kepillikleri
Sociyallıq mámlekette shaxstıń bántliginiń támiyinleniwi, miyneti ushın is haqı alıwı, qáwipsiz miynet etiwi ushın jaǵdaylar jaratılıwı kerek.
Tiykarǵı nızamımızdıń 42-statyasında “Hár kim ılayıqlı miynet etiw, kásip hám jumıs túrin erkin tańlaw, qáwipsizlik ham gigiena talaplarına juwap beretuǵın qolaylı miynet jaǵdaylarında islew, miyneti ushın hesh qanday kemsitiwlersiz hám de miynetke haqı tólewdiń eń kem muǵdarınan kem bolmaǵan ádil haq alıw, sonday-aq jumıssızlıqtan nızamda belgilengen tártipte qorǵanıw huqıqina iye. Miynetke haqı tólewdiń eń kem muǵdarı insannıń ılayıqlı turmıs dárejesin támiyinlew zárúrligin esapqa alǵan halda belgilenedi” delingen.
Miynetke haqı tólewdiń eń kem muǵdarı - bul xalıqaralıq qabıl etilgen túsinik bolıp, dúnyada keń tarqalǵan sociyallıq ádillik principlerinen biri sanaladı.
Mámleket puqaralardıń bántligin támiyinlew, olardı jumıssızlıqtan qorǵaw, sonday-aq kámbaqallıqtı qısqartıwdıń iláların kóredi. Bunıń mısalı retine máhálleler boyınsha sociyallıq qorǵawǵa mútáj bolǵanlardıń dizimin qáliplestiriw (“Temir dápter“, “Jaslar dápteri”, “Hayallar dápteri” hám t.b.) arqalı jumıs alıp barılıp atırǵanlıǵıń kóriwge boladı.
Sonıń menen bir qatarda, jumıs waqtınıń dawamlılıǵın, demalıs hám islenbeytuǵın bayram kúnlerin, hár jılǵı is haqı saqlanatuǵın miynet demalısın belgilew arqalı miynet islegen shaxstıń demalıw huqıqı da kepillengen.
Nókis qalası Yuridikalıq xızmet kórsetiw orayı
bas yuriskonsultı G.Dauletova