Янгиликлар
07
Miynet nızamshılıǵı boyınsha xızmetkerlerge miynet dem alısın beriw tártibi
Miynet nızamshılıǵı boyınsha xızmetkerlerge miynet dem alısın beriw tártibi
Ózbekstan Respublikası Konstituciyasınıń 45-statyasına kóre, hár kim dem alıw huqıqına iye hám dem alıw huqıqı haqı tólenetuǵın hár jılǵı miynet dem alısın beriw arqalı támiyinlenedi.
Ózbekstan Respublikası Miynet kodeksiniń 216-statyasına kóre, barlıq xızmetkerler, sonday-aq orınlaslıq tiykarında islewshi xızmetkerler hár jılǵı miynet dem alısına shıǵıw huqıqına iye.
Birinshi jumıs jılı ushın hár jılǵı miynet dem alısınan paydalanıw huqıqı xızmetkerde ol sol jumıs beriwshide úzliksiz islegen altı ay ótkeninen keyin júzege keledi.
Birinshi ret shólkemlestirilgen shólkemler ushın xızmetkerlerge birinshi jumıs jılı ushın hár jılǵı miynet dem alısı birinshi jumıs jılı tamamlanǵanǵa shekem usı dem alıstı beriw shárti menen altı ay islemesinen aldın yamasa yamasa onnan keyin beriliwi múmkin.
Altı aydan kem islegen orınlaslarǵa birinshi jumıs jılı ushın hár jılǵı miynet dem alısı olardıń qálewine kóre tiykarǵı jumıs boyınsha hár jılǵı miynet dem alısı menen bir waqıtta orınlaslıq tiykarında jumıstaǵı dem alıs ushın islep berilgen waqıtqa proporcional túrde haqı tólengen halda beriledi. Altı ay hám onnan artıq islegen orınlaslarǵa birinshi jumıs jılı ushın orınlaslıq tiykarındaǵı jumısta beriletuǵın hár jılǵı miynet dem alısına, sonıń menen birge ekinshi hám keyingi jumıs jılları ushın bul taypadaǵı xızmetkerlerdiń miynet dem alısına, bul dem alıs jumıs jılı dawamında qaysı waqıtta beriliwine qaramastan, tolıq haqı tólenedi.
Hár jılǵı miynet dem alısı oqıwshılardıń jazǵı dem alısı dáwirinde beriletuǵın tálim shólkemleriniń oqıtıwshılar quramına birinshi jumıs jılındaǵı hár jılǵı miynet dem alısı oqıwshılardıń jazǵı dem alısı dáwirinde tolıq dawamlılıqta, olar usı tálim shólkemine jumısqa kirgen waqtına qaramastan, islep bergen waqtına proporcional túrde haqı tólengen halda beriledi. Usı taypadaǵı xızmetkerlerge ekinshi hám keyingi jumıs jılları ushın beriletuǵın miynet dem alısına, bul dem alıs jumıs jılı dawamında qaysı waqıtta beriliwinen qaramastan, tolıq haqı tólenedi.
Ekinshi hám onnan keyingi jumıs jılları ushın hár jılǵı miynet dem alısı jumıs beriwshi hám xızmetker ushın májburiy bolǵan dem alıslar kestesi menen belgilenetuǵın hár jılǵı miynet dem alısların beriw gezegine muwapıq beriledi.
Dem alıslar kestesi kalendar jıl baslanǵanǵa shekem jumıs beriwshi tárepinen kásiplik awqamı komiteti menen kelisimine kóre tastıyıqlanadi.
Xızmetker hár jılǵı miynet dem alısı beriletuǵın waqıt haqqında dem alıs baslanıwınan keminde on bes kún aldın xabardar etiliwi kerek.
Altı ay tolmasa da birinshi jumıs jılı ushın, sonday-aq ekinshi hám onnan keyingi jumıs jılları ushın xızmetkerdiń qálewine kóre tómendegilerge hár jılǵı miynet dem alısı oǵan qolay bolǵan waqıtta tómendegilerge beriliwi kerek:
hayallarǵa— hámledarlıq hám tuwıw dem alısınan aldın yamasa onnan keyin;
on tórt jasqa tolmaǵan bir yamasa onnan artıq balanı (on altı jasqa tolmaǵan mayıplıǵı bolǵan balanı) tárbiyalap atırǵan shaxslarǵa (jalǵız ata-anaǵa, sonday-aq jalǵız hayallarǵa, jalǵız er adamlarǵa, nekeden ajıralǵanlarǵa, múddetli áskeriy xızmettegi áskeriy xızmetkerlerdiń hayallarına, ata-ananıń ornın basıwshı shaxslarǵa);
on segiz jastan kishi bolǵan shaxslarǵa ;
rezervge bosatılǵannan keyin úsh aydan keshiktirmey jumısqa kirgen múddetli áskeriy xızmetti ótegen pensiyadaǵı áskeriy xızmetkerlerge;
1941-1945-jıllardaǵı urıs qatnasıwshısılarına hám jeńillikleri boyınsha olarǵa teńlestirilgen shaxslarǵa;
I hám II gruppa mayıplıǵı bolǵan xızmetkerlerge;
isten ajralmagan halda tálim shólkemlerinde oqıp atırǵanlarǵa, eger olar óziniń hár jılǵı miynet dem alısın imtixanlar, sınaqlar tapsırıw, pitkeriw qániygelik jumısların, magistrlıq dissertatsiyaların, kurs, laboratoriya jumısların hám basqa oqıw jumısların orınlaw waqtına tuwrılap alıwdı qálese;
jámáát kelisimlerinde, sonıń menen birge jámáát shártnamasında yamasa ishki hújjetlerde belgilengen basqa jaǵdaylarda basqa xızmetkerlerge.
Usı jaǵdaylarda hár jılǵı miynet dem alısı tolıq dawamlılıqta hám tolıq haqı tólengen halda beriledi.
Sonday-aq, «Ózbekstan Respublikası eń húrmetli donorı» kókirek nıshanı menen sıylıqlanǵan shaxslarǵa ekinshi hám onnan keyingi jumıs jılları ushın qálewine kóre hár jılǵı miynet dem alısı oǵan qolay bolǵan waqıtta beriliwi kerek.
Nókis qalası ádillik bólimi
Yuridikalıq xızmet kórsetiw
orayı baslıǵı T.Utemıratov