Янгиликлар
07
Ádillik uyımlarına qosımsha wazıypalar júklendi
Ádillik uyımlarına qosımsha wazıypalar júklendi
«Hákimshilik reformalar sheńberinde ádillik uyımları hám mákemeleriniń juwapkershiligin jánede asırıw hámde ıqsham basqarıw sistemasın qáliplestiriw haqqında»ǵı Prezident Pármanı qabıl etildi.
Pármanǵa muwapıq, tómendegiler ádillik organlarınıń qosımsha iskerlik baǵdarları etip belgilendi:
• Xalıqtıń kúndelikli turmısında ushıraytuǵın huqıqıy mashqalalardı anıqlaw, olardı talıqlaw hám saplastırıw boyınsha ámeliy is-ilájlar kórip barıw;
• Orınlarda anıqlanǵan sistemalı mashqalalardı saplastırıwǵa qaratılǵan nızamshılıq hújjetleri joybarların islep shıǵıw;
• Puqaralarǵa biypul birlemshi yuridikalıq járdem kórsetiw sistemasın jolǵa qoyıw hám muwapıqlastırıp barıw;
• Mámleketlik uyımlar hám shólkemleri, jergilikli mámleketlik hákimiyatı organları hámde puqaralardıń ózin-ózi basqarıw organlarında birden-bir huqıqtı qollaw ámeliyatın payda etiwde olarǵa metodikalıq járdem kórsetip barıw.
Bunda xalıqtıń kúndelik turmısında ushıraytuǵın huqıqıy mashqalaları anıqlanadı, kórip shıǵıladı hám saplastırıladı.
Qanlıkól rayonı ádillik bólimi MXO
bólim baslıǵı D.Qudenov