Янгиликлар
03
Ózbekstan Respublikası Mámleketlik bayraǵı haqqında maǵlıwmatqa iyesizbe?
Ózbekstan Respublikası Mámleketlik bayraǵı haqqında maǵlıwmatqa iyesizbe?
Mámleketlik bayraq Ózbekstan Respublikasınıń 1991-jıl 18-noyabrdegi
407-sanlı «Ózbekstan Respublikasınıń Mámleketlik bayraǵı haqqında»ǵı Nızamı menen tastıyıqlanǵan. Bul Nızam 13 statyadan ibarat bolıp usı Nızamǵa tiykar Ózbekstan Respublikası Mámleket bayraǵınıń sxematik hám reńli súwreti tastıyıqlanǵan.
Mámleketlik bayraǵımızdıń uzınlıǵı 250 santımetrge, keńligi 125 santımetrge teń. Kók reń, aq reń hám jasıl reńli enleriniń keńligi birdey. Hár biriniń eni 40 santımetrge teń. Ózbekstan Respublikası Mámleket bayraǵıniń ortasındaǵı aq reńde eniniń shetleriniń keńligi 2,5 santımetrge teń qızıl jıyekler ótkerilgen.
Mámleketlik bayraǵımızdıń joqarı bólegindegi kók reńli eniniń júz tárepi hám arqa tárepinde aq reńli jańa ay jáne onıń janında on eki aq reńdegi bes qırlı juldız súwretlengen.
Mámleketimiz nıshanları bárháma múqaddes hám ullı sanaladı. Mámleketlik bayraq — biziń ótmishimiz, búgingi kúnimiz hám keleshegimiz tımsalı esaplanadı. Bayraǵımız jer júzinde Ózbekstan mámleketi bar ekenin ańlatadı hám ózinde milliy dástúrlerimizdi sáwlelendiredi.
Búgingi kúnge kelip bayraǵımız xalıq aralıq maydanlarda, atap aytqanda, Ózbekstan Respublikası rásmiy delegatsiyalarınıń shet el mámleketlerge saparları waqtında, xalıq aralıq shólkemlerde, konferenciyalarda, jáhán kórgezbelerinde, sport jarıslarında ǵárezsiz watanımızdı ańlatadı.
Qońırat rayonı ádillik bólimi
yuridikalıq xızmet kórsetiw
orayı baslıǵı: A.Kaliyev