Янгиликлар
31
My.gov.uz portalınıń abzallıqları
My.gov.uz portalınıń abzallıqları
Ózińizge belgili búgingi kúnde múrájatlardıń nátiyjeli kórinislerinen biri sıpatında elektron múrájatlardı aytıwımız múmkin. Atap aytqanda, búgingi kúnde Mámleketlik xızmetler orayları tárepinen kórsetiletuǵın mámleketlik xızmetler túri 180 nen aslam bolıp, bul mámleketlik xızmetlerdiń bárshesinen aralıqtan (distancion) turıp internet tarmaǵı arqalı onlayn tárizde yaǵnıy, Birden-bir interaktiv mámleketlik xızmetler portalınan (my.gov.uz) arqalı paydalanıwıńız múmkin.
Birden-bir interaktiv mámleketlik xızmetler portalı degenimiz, Bul pútkil dunya internet tarmaǵında paydalanıwshılarǵa Ózbekstan Respublikası mámleket shólkemleri tárepinen kórsetiletuǵın ınteraktiv mámleket xızmetlerinen paydalanıw múmkinshiligin usınıwshı Birden-bir ınteraktiv mámleketlik xızmetler portalı yaǵnıy my.gov.uz esaplanadı.
Siz my.gov.uz portalınan paydalanıw ushın “Elektron húkimet” sisteması paydalanıwshıların identifikasiyalawdıń birden-bir informaciya sistemasında (id.egov.uz) dizimnen ótip jeke login hám parolińizge iye bolıwıńız kerek boladı.
Bul portaldıń abzallıqlarına toqtalıp ótetuǵın bolsaq siz birinshi náwbette qımbatlı waqtıńızdı tejeysiz, finanslıq qárejetlerińiz hámde artıqsha áweregershilikler de bolmaydı, sonday-aq, mámleketlik xızmetten paydalansańız tólemińizden 10 payız shegirme beriledi.
Sonıda qosımsha aytıp ótiw kerek bárshemizge belgili global mashqalaǵa aylanǵan koronavirus pandemiyası waqtında kópshilik insanlarda mámleketlik mákemelerge tuwrıdan-tuwrı múrájat etiw imkaniyatı bolmadı. Sol dáwirde kópshilik insanlar my.gov.uz portalınan turaqlı paydalanıp óz salamatlıǵın anaǵurlım asırawǵa eristi.
Házirgi kúnde puqaralarǵa jeńillik jaratıw maqsetinde portaldıń MyGov mobil qosımshası iske túsirilgen.
Bulardıń bárshesi puqaralarımızǵa qolaylı sharayatlar jaratıw hám waqıtların tejew ushın xızmet qıladı.
Qaraózek rayonı ádillik bólimi
Mámleketlik xızmetler orayı direktorı A.Doshetov