Янгиликлар
31
Ózbekstan Respublikası Prezidentiniń 2024-jıl 24-maydaǵı "Hákimshilik reformalar sheńberinde ádillik uyımları hám mákemeleriniń juwapkershiligin jáne de asırıw hám de ıqsham basqarıw sistemasın qáliplestiriw haqqında"ǵı PP-80-sanlı Pármanı menen rayon (qa
Ózbekstan Respublikası Prezidentiniń 2024-jıl 24-maydaǵı "Hákimshilik reformalar sheńberinde ádillik uyımları hám mákemeleriniń juwapkershiligin jáne de asırıw hám de ıqsham basqarıw sistemasın qáliplestiriw haqqında"ǵı PP-80-sanlı Pármanı menen rayon (qala) ádillik bólimlerine qosımsha wazıypalar júkletildi.
Jámiyetdegi sociallıq qatnasıqlar rawajlanǵan sayın bul qatnasıqlardı huqıqıy tárepten tártipke salıw júzege keledi.
Puqaralardıń huqıq hám erkinliklerine sózsiz ámel etiliwin támiyinlew, olarǵa kórsetiletuǵın mámleket hám huqıqıy xızmetler kólemin keńeytiriwde ádillik uyımları hám mákemeleriniń juwapkershiligin jáne de asırıw maqsetinde “Hákimshilik reformalar sheńberinde ádillik uyımları hám mákemeleriniń juwapkershiligin jáne de asırıw hám de ıqsham basqarıw sistemasın qáliplestiriw haqqında”ǵı Prezident Pármanı (PP-80-sanlı, 24.05.2024 j.) qabıl etildi.
Párman menen Ádillik uyımları iskerligin aymaqlarda nátiyjeli shólkemlestiriw hám de huqıqıy xızmetler qamtıwın jáne de asırıw maqsetinde rayon (qala)lıq ádillik bólimlerine tómendegi qosımsha wazıypalar júkletildi:
➖orınlarda xalıq tárepinen kóterilip atırǵan aktual mashqalalardı kórip shıǵıw hám sheshiw ushın hár ayda máhállelerde “Ádillik kúni” ilajların ótkeriw.
Bunda alıs aymaqlardaǵı máhállelerde hár ayda keminde eki márte kóshpeli mámleketlik xızmetlerin kórsetip barıw;
➖úyme-úy júriw hám “Huqıqıy kómek” akciyaların ótkeriw arqalı puqaralardıń kúndelikli turmısında anıqlanatuǵın huqıqıy mashqalalardı saplastırıw barısınan nızamshılıqtı jetilistiriw boyınsha usınıslar tayarlaw;
➖“máhálle jetiligi”ne nızamshılıq hújjetleriniń mánisi hám áhmiyetin ápiwayı hám xalıqshıl tilde jetkeriw, sonıń menen birge olar tárepinen “Online-máhálle” platformasına kirgizilgen xalıqtıń kúndelikli turmısındaǵı huqıqıy máselelerge tiyisli mashqalaların sheship barıw;
➖xalıqqa, eń dáslep “Temir dápter”, “Hayallar dápteri”, “Jaslar dápteri” hám de “Sociallıq qorǵaw birden-bir reestri” málimleme sistemasına kirgizilgen puqaralarǵa biypul baslanǵısh yuridikalıq járdem kórsetiliwin támiyinlew;
➖jaslar, hayal-qızlar, sociallıq qorǵawǵa mútáj shaxslardı, sonıń menen birge isbilermenlik subektlerin nızamshılıq hújjetlerinde belgilengen jeńillikler, preferenciyalar, subsidiyalar, grantlar hám mámleket tárepinen qollap-quwatlawdıń basqa túrleri hám de olardan paydalanıw tártibi haqqında xabardar etiw;
➖mámleketlik uyımları hám shólkemleriniń rayon (qala)lıq bólimleri, jergilikli mámleketlik hákimiyatı uyımları hám de puqaralardıń ózin-ózi basqarıw uyımlarında birden-bir huqıqtı qollaw ámeliyatın qáliplestiriwde olarǵa metodikalıq járdem kórsetip barıw
Pármanda belgilengen wazıypalardıń orınlanıwında rayon(qala) adillik uyımlarınıń juwapkershiligi jánede artadı hámde nátiyjeli jumıslar ámelge asırıwda wazıypalar belgilep berildi.
Qanlıkól rayonı adillik bólimi
bas máslahatshisi B.Matjanova