Янгиликлар
31
PHAJ tarawındaǵı sonǵı janalıqlar
PHAJ tarawındaǵı sonǵı janalıqlar
PHAJ bóliminde ámelge asırılatuǵın xızmetler insan ómirindegi eń aqımiyetli hújjetlerdi dizimge alıw yaǵniy tuwılıw, neke, nekeden ajrasqanlıq hám ólim haqqında akt jazıwların dizimge alıw esaplanadı. Insan dunyaǵa keler eken tuuwılǵannan baslap ómiri dawamında PHAJ bólimine bir neshe márte murajáát etedi. Aldınǵı waqıtlarda tuwılıw, neke, nekeden ajrasqanlıq hám de ólim haqqında akt jazıwların dizimge alıw, kóp waqıt hám de artıqsha awaragershilik talab etetuǵın edi. Zaman rawajlanıwı menen bir qatarda mámleketimiz tárepinen puqaralarǵa mámleketlik xızmetlerden paydalanıwda kóplegen ózgerisler hámde jeńillikler jaratıp berildi. PHAJ orgınları hám den sawlıqtı saqlaw birlespeleri ortasında elektron hújjet almasıw yaǵniy tuwılıw hám ólim haqqında akt jazıwların dizimge alıwda elektron maǵlıwmat almasıw jolǵa qoyılıp, puqaralarǵa. kóplegen .jeńillikler.jaratıldı. Tuwıw uyleri tárepinen balalardıń tuwılǵanlıq haqqında akt jazıwları tuwrıdan-tuwrı elektron málimleme sisitemesına kiritilip, tuwılǵanlıq haqqında gerbli guwalıqqa teńlestirilgen QR-kodlı maǵlıwmatnama alıw imkaniyatı da jaratıldı. Sonday aq PHAJ organları tárepinen gerbli guwalıqlar “PHAJ orgınlarınıń birden-bir elektron arxivi” málimleme sisteması arqalı elektron kóriniste QR-kodlı blankalarda shıǵarılıwı jolǵa qoyıldı. Puqaralarǵa jánede qolaylıqlar jaratıw maqsetinde Ózbekstan Respublikası Prezidentinıń 23.03.2021-jılǵı 6191-sanlı Pármanına tiykar puqaralar turaqlı yáki waqtınsha jasaw ornına qaramastan ózlerine qolay bolǵan puqaralıq halatı aktlerin jazıw bólimlerinde (tuwılǵanlıq, neke, nekeden ajrasıw, ólim akt jazıwıların) eksteretoriyal principi tiykarında zárúr bolǵan hújjetlerdi rásmiylestiriw múmkinshiligi jaratıldı. Endi puqaralar PHAJ organlarına kelmesten my.gov.uz sayt arqalı onlayn tárizde ózleriniń yamasa perzentleriniń tuwılǵanlıq haqqında gúwalıqların alıw ushın elektron arza menen múrajat etiw arqalı hújjerlerdi jasaw mánziline pochta xızmeti arqalı jetkerip beriw xızmeti jolǵa qoyńldı. .PHAJ orgınlarında tólemlerdıń ashıqlıǵı, puqaralarǵa mámleketlik xızmetler ushın tólengen tólemlerdi artıqsha tólengen yáki tólenbegenligin haqqında SMS xabarnama jiberiw tártibide jolǵa qoyılǵan.
Shımbay rayonı Ádillik bólimi
PHAJ bólimi inspektorı B.Taǵanklichova