Янгиликлар
31
Sırt el puqaralarına Ózbekstan Respublikası aymaǵında miynet iskerligin ámelge asırıw huqıqın beretuǵın tastıyıqnama beriw tártibi
Sırt el puqaralarına Ózbekstan Respublikası aymaǵında miynet iskerligin ámelge asırıw huqıqın beretuǵın tastıyıqnama beriw tártibi
Ózbekstan Respublikası Ministrler Kábinetiniń 2022-jıl 22-fevral daǵı “Arnawlı elektron sistema arqalı ruxsat etiw ózgesheligine iye ayırım hújjetlerdi beriw tártip dástúrleri haqqındaǵı birden-bir qaǵıydanı tastıyıqlaw haqqında”ǵi 86-san qararı menen Arnawlı elektron sistema arqalı ruxsat etiw ózgesheligine iye ayırım hújjetlerdi beriw tártip dástúrleri haqqında birden-bir qaǵıyda tastıyıqlanǵan.
Rejeniń 20-qosımshasında Ózbekstan Respublikası aymaǵında miynet iskerligin ámelge asırıw huqıqın beretuǵın tastıyıqnama pasportı ámelde bolıp bul xızmetten yuridikalıq shaxslar (jumıs beretuǵın) hám fizikalıq shaxslar (jumıs beretuǵın yamasa sırt el puqarası) paydalanıwı múmkin.
Qaǵıydaǵa kóre Ózbekstan Respublikası Bántlik hám miynet qatnasları ministrligi janındaǵı Sırtqı miynet migraciyası máseleleri agentligi ruxsat etiw tártip-dástúrleri boyınsha kepillikli organ esaplanadı.
Arzanı kórip shıǵıw ushın tolenetuǵın jıyım muǵdarı bazalıq esaplaw muǵdarınıń 1 esesi etip belgilengen. Arzanı kórip shıǵıw múddeti 15 jumıs kúni etip belgilengen.
Ruxsat etiw ózgesheligine iye hújjettiń ámel qılıw múddeti:
- jumıs beriwshilerge tastıyqnamalar joqarı maman hám mamanlıqqa iye qánigeler, sonıń menen birge, Prezident mektepleri hám joqarı oqıw orınlarında islew ushın qosılıp atırǵan oqıtıwshılar hám qánigeler ushın - miynet shártnamaları ámel etetuǵın múddetke, biraq úsh jıldan artıq bolmaǵan múddetke sheksiz márte uzaytırıw múmkinshiligi menen, biraq hár bir jaǵdayda bir jıldan artıq bolmaǵan múddetke;
- Kishi bizneske kómeklesiw oraylarınıń usınısına tiykarlanıp jańa joybarlar sheńberinde tar sheńber degi qánige retinde tartılǵan sırt el puqaraları ushın - tastıyıqnamalar miynet shártnaması ámel etetuǵın múddetke, biraq úsh jıldan artıq bolmaǵan múddetke sheksiz márte uzaytırıw múmkinshiligi menen, biraq hár bir jaǵdayda úsh jıldan artıq bolmaǵan múddetke;
- basqa sırt el puqaraları ushın - tastıyıqnamalar miynet shártnaması ámel etetuǵın múddetke, biraq bir jıldan artıq bolmaǵan múddetke sheksiz márte uzaytırıw múmkinshiligi menen, biraq hár bir jaǵdayda bir jıldan artıq bolmaǵan múddetke beriledi.
Ruxsat etiwge tiyisli tómendegi talap hám shártler ámeldegi:
- miynet, miynetti qorǵaw, xalıq bántligi, jumıs beriwshiniń puqaralıq minnetlemelerin májburiy qamsızlandırıw haqqındaǵı nızamshılıq hújjetlerine ámel qılıw ;
- soralıp atırǵan sırt el puqaralarına sanı hám qánigeligi (lawazımları) jumısshı kúshine bolǵan ámeldegi mútajlikke sáykes keliwi;
- sırt el puqaraları tárepinen Ózbekstan Respublikası nızamshılıq hújjetlerine qarsı, sonday-aq, jınayıy juwapkershilikti keltirip shıǵarıwshı háreketlerdi islemew;
- kepillikli organǵa usınıs etilgen maǵlıwmatlarda (shólkem haqqında maǵlıwmatlar, arzalar, sorawnamalar, pasport maǵlıwmatları hám basqalar ) bolǵan hár qanday ózgerisler haqqında kepillikli organdı bir hápte múddette xabarlandırıw ;
- vizasınıń múddeti tawsılǵan yamasa migraciya hám puqaralıqtı rásmiylestiriw bólimlerinde
3 kúnnen artıq múddet dawamında dizimnen ótpegen, Ózbekstan Respublikasında bolıp turǵan sırt el puqaraları ushın tastıyıqnama alıw ushın hújjetler usınıs etpew;
Jumıs beriwshige qoyılatuǵın qosımsha talap hám shártler:
- Ózbekstan Respublikası aymaǵında miynet iskerligin ámelge asırıw huqıqın beretuǵın tastıyıqnama múddeti tawsılǵannan keyin sırt el puqarası menen dúzilgen miynet shártnamasın bıykarlaw yamasa sırt el puqarası jumıstan bosatılsa yamasa shólkem tamamlanǵan bolsa, wákilikli organdı bir hápte múddette xabardar etiw.
Shımbay rayonı Ádillik bólimi
mámleketlik xizmetler orayı direktorı I.Aleuatdinov