Янгиликлар
31
8 xızmetkerdiń is haqıların óndirip beriw haqqındaǵı múrájatları qanatlandırıldı.
8 xızmetkerdiń is haqıların óndirip beriw haqqındaǵı múrájatları qanatlandırıldı.
Kegeyli rayonı ádillik bólimine Kegeyli rayonı APJları, yaǵnıy «Jalpaq jap», «Qumshungu», «Abad», «Aqtuba», «Jańabazar», hám de «Júzim baǵ»ında áskeriy esap-sanaq stol baslıqları bolıp islep kelgen xızmetkerler, miynet shártnamaları biykar etilmegenligi hám de tapsırılǵan xızmet wazıypaların óz waqtında meńgerip kelgenligin bildirip, biraq usı jıldıń yanvar hám fevral aylarına is-haqıları tólenilmesten kiyatırǵanlıǵınan narazı bolıp, bul máseleni nızamlı úyrenip shıǵıp, miynet is haqıların óndirip beriwdi sorap múrájat etti.
Ózbekstan Máhálleler awqamı Kegeyli rayonı bóliminiń bergen juwap xatında joqarıda keltirilgen APJları xızmetkerleriniń is-haqıları boyınsha Ózbekstan Máhálleler awqamınıń shtat birlikleri tastıyıqlanǵannan soń tólep beriliwi bayan etilgen. Solay eken 8 puqaranıń usı jıldıń yanvar hám fevral ayların is-haqıları tólenilmegenligi anıqlandı.
Solay eken, bólim tárepinen Ózbekstan Máhálleler awqamı Kegeyli rayonı bólimine nızamlı hújjetlerdiń buzılıwı, olardıń sebepleri hám oǵan alıp keliwshi shárt-shárayatlardı saplastırıw boyınsha usınıs kiritilip, bólim APJnıń 8 xızmetkerine 35550406 swm is haqıların óndirip beriwine eristi.
Kiritilgen usınıs tolıq qanaatlandırılıp, puqaralardıń buzılǵan huqıqları tikleniwi támiyinlendi hám kiritilgen usınıs talapları tolıǵı menen orınlandı.
Kegeyli rayonı ádillik bólimi