Янгиликлар
29
Xızmetkerdiń aylıq is haqısı óndirip berildi
Qaraózek rayonı ádillik bólimine puqara Z.B tárepinen Qaraózek rayonı medicina birlespesinen is haqısı (avans) tólenbegenliginen narazı bolıp etken múrájatı bόlim tárepinen kórilip tiyisli tártipte úyrenip shıǵıldı.
Úyreniw dawamında, haqıyqatta puqara Z.B ǵa birlespe tárepinen aprel ayı ushın avans tólenbegenligi anıqlandı.
Ózbekstan Respublikası Miynet kodeksiniń 253-statyasına kóre xızmetkerlerge miynet haqı tólew múddetleri jámáátlik shártnamasında yamasa ishki hújjette, olar bolmaǵanda miynet shártnamasında shárt etip kórsetilgen múddetlerde belgilenedi hám hár yarım ayda bir márteden kem bolıwı múmkin emes. Xızmetkerlerge aylıq miynet haqı, qaǵıyda kórinisinde, on altı kúnnen kóp bolmaǵan tánepis penen eki bólekke bólingen halda (avans hám qalǵan bólegi muǵdarında) tólenedi
Bólim tárepinen Qaraózek rayonı medicina birlespesine Z.B niń tólenbey qalǵan is haqısın tólep beriw boyınsha usınıs kiritilip, tólenbey qalǵan is haqı pulları óndirilip berildi.
Qaraózek rayonı ádillik bólimi