Янгиликлар
27
MÁJBÚRIY MIYNET QADAǴAN ETILEDI
MÁJBÚRIY MIYNET QADAǴAN ETILEDI
Al, májburiy miynet ózi ne? Májburiy miynet - qandayda bir-bir fizikalıq shaxstan jazanı qóllaw menen qorqıtıwastında talap etiletuǵın, orınlanıwı ushın bul shaxs ıqtıyariy túrde óz xızmetlerin usınıs etpegen hár qanday jumıstı yamasa xızmetti ańlatadı.
Ózbekstan Respublikası Miynet kodeksiniń 5-statyasına tiykarlanıp májburiy miynet qadaǵan etiledi.
Hákimshilik juwapkerlik haqqındaǵı kodekstiń 51-statyasına muwapıq májburiy miynetke jol qoyǵan lawazımlı shaxslarǵa bazalıq esaplaw muǵdarınıń (BEM) 50 esesinen 100 esesine shekem muǵdarda járiyma salınıwına sebep boladı.
Tap sol háreket tákiraran yamasa jas óspirim shaxsqa qarata ámelge asırılǵan jaǵdayda jınayıy juwapkershilik belgilengen.
Usınıń menen birge, jaqında pedagog xızmetkerlerdiń xızmet wazıypaların orınlawına tosqınlıq etkenligi ushın juwapkershilikti kúsheytiwdi názerde tutıwshı nızam (WRQ-826, 27.03.2023j.) kúshke kirdi. Oǵan kóre, pedagog xızmetkerlerdi májburiy miynetke tartqan shaxsqa hákimshilik hám jınayatlı juwapkershilik kúsheytildi.
Kegeyli rayonı
Ádillik bólimi bas máslahatshisi B.B.Ikmetullaev