Янгиликлар
27
NEKEDEN ALDÍN QANDAY MEDICINALÍQ KÓRIKTEN ÓTIWI TIYIS
NEKEDEN ALDÍN QANDAY MEDICINALÍQ KÓRIKTEN ÓTIWI TIYIS
Shanaraq-insan turmısında tiykarǵı bólegi. Shanaraq bekkem bolıwı ushın, kelin-kuyew nekeden aldın medicinalıq kórikten ótiwi, usıshanaraqtıń bekkemligi, tuwılatuǵın perzentlerdiń salamatlıǵın táminleydi. Neke-den aldıńǵı medicinalıq kóriktiń áhimiyeti,roli,nátiyjesi haqqında Respublika halqın reproduktiv salamatlıǵı orayı qaniygeleri tárepinen bir neshe ilmiy maǵlıwmatlar berilgen.
Ózbekstan Respublikası Ministrler Kabinetiniń 2003-jıl 25-avgustaǵı «Nekeleniwshi shaxslardıń medicinalıq kórikten ótkiziw haqqında nızamnıń tastiqlaw haqqındaǵı » qararına tiykar , kelin-kuyew biypul medicinalıq kórikten ótkeriledi.
Nekeleniwshiler PHAJ bólimine, yamasa mu.gov.uz saytı arqalı nekeden ótiw arzasın berilip, PHAJ bólimi tárepinen medicinalıq kórikten ótiw ushın qaǵaz yamasa elektron jollama beriledi. Jollama tiykarinda puqaranıń ózine qolaylı medicina orayınan medicinalıq kórikten ótkeriledi. 2021-jıl 1-iyunınan baslap puqaralar waqtınsha, turaqlı jasaw jerinen biyǵárez ózine qolaylı aymaqtaǵı medicina oraylarınan ótiwi múmkin. Bul jerde qaysı kórikten ótiliwi tiyis degen soraw payda bolıwı múmkin. Qararǵa muwapıq 5 túrdegi medicinalıq kórikten ótkeriledi.
1.Ruwhıy kesselik.
2.Narkologia kesseligi.
3. Teri keselligi
4.OITS keselligi
5.Ftiziyatr (dispanserler hám rayonlıq kabinetlerden)
Nekeleniwshi shaxslar jasaw ornı yamasa waqtınsh ajasaw ornındaǵı rayonlıq (qalalıq) kóp tarmaqlı oraylıq poliklinikalarda biypul dispanserizaciyadan, yaǵnıy kardiolog endrokrinolog, revmatolog,urolog qániygelerin tartqan halda neke aldı medicinalıq kórikten ótedi hám qosımsha UTT, EKG,ulıwmalıq qan analizleri, qandaǵı qant muǵdarı anıqlanadı.
Nekeleniwshi shaxslarushın medicinalıq kórik dawamında genetikalıq tekseeriwlerge zaruriyat bolǵanda, olardıń óz-ara kelisimi tiykarında usı tekseriwler pullı tárizde ámelge asırıliwi mumkin.
Medicinalıq kórikten ótiw muddeti nekeleniwshi shaxslar medicina shólkemine murajjat etken kunnen baslap eki hápteden asıp ketpewi tiyis.
Eger nekeleniwshi shaxs óz xızmeti yaki jumısı turine kóre belgili bie medicina shólkemine biriktirilgen bolsa, ol sol shólkemde kórikten ótkeriledi.
Qamaqtaǵı shaxslardıń medicinalıq kórigi Ózbekstan Respublikası Ishki sler ministrliginin medicina shólkemlerinde ótkeriledi.
Ózbekstan Respublikası puqaraları menen nekelenip atırǵan shet elli puqaralarhám puqaralıǵı bolmaǵan shaxslar ózleriniń waqtınsha jasaw ornında medicinalıq kórikten ótedi.
Nekeleniwshi shaxslardıń medicinalıq kórik nátiyjeleleri maǵlıwmatnamada kórsetiledi. Maǵlıwmatnama medicina shólkeminiń móri hám basqarńwshısınıń imzası menen tastıyıqlanadı hámde arnawlı dapterde dizimnen ótkeriledi.Dápter belgilengen muddet dawamında Densawlıqtı saqlaw basqarmasınıń arxivinde saqlanadı. B8ul maǵlıwmatnamanıń ámel etiw mudddeti 3 ay bolıp esaplanadı.
Nekeleniwshi shaxslardıń tekseriw nátiyjesinde darhal dawalanıwı kerek bolǵan kesellikler anıqlanǵan taǵdirde, olrmenen belgilengen tartipte tiyisli dawalaw shólkemlerine jóneltiredi.
Eger nekeleniwshi shaxslardı birinde yaki ekewindede joqarıda názerde tutılǵan kesellik, sonıń menen birge dispanserizaciya nátiyjesinde basqa kesellikler anıqlanǵan taǵdirde, nekeni dizimnen ótkeriw táreplerdiń usı tekseriwler nátiyjelerinen xabardarlıǵı tastıyıqlanǵannan keyin ámelge asırıladı.
No'kis qalasi a'dillik bo'limi PHAJ bo'limi baslig'i S.Pirnazarova