Янгиликлар
27
8-Dekabr Ózbekstan Respublikası Konstitusiyası qabul etilgen kun
8-Dekabr Ózbekstan Respublikası Konstitusiyası qabul etilgen kun
Bunnan 31 yil aldın, yaǵnıy 1992 jıl 8 dekabr kuni Ózbekstan Respublikasında joqarı yuridikalıq kúshke iye bolǵan Konstituciyamız qabıl etilgen edi.
Usı Konstitutsiya menen 30 jıldan arıq waqt dawamında mámleket siyasatı alıp barıldı hám óz gezeginde sońǵı jıllarda elimizde alıp barılıp atırǵan túpkilikli reformalar negizinde zamanǵa say Konstitutsiyani jańalawǵa mútajlik júzege keldi.
Usı jıl 30 -aprel' kúni elimizde úlken huqıqıy hám tariyxıy sáne, yaǵnıy Putkil xalıq lıq referendum ótkeriw arqalı xalıq pikiri hám tańlawı tiykarında Ózbekstan Respublikasınıń jańa redakciyadaǵı Konstitusiyası qabıllandı hám 1 may kúninen kúshke kirdi.
Usı, jańalanǵan Konstitutsiya mámleket, millet hám xalıq retinde keyingi qádemlerimizni anıqlap alıwımız ushın oǵada áhmiyetli másele, ádalatlı jámiyet qurıw jolındaǵı úlken qádem bolıp tabıladı.
Konstitutsiyada Ózbekstan - suverenli, demokratiyalıq, huqıqıy, social hám dúnyalıq mámleket ekeni qatań belgilep qoyıldı.
Sol orında aytıp ótiw kerek, insan, jámiyet hám mámleket ushın áhmiyetli bolǵan barlıq zárúr sharalar Konstitutsiya dárejesinde bekkemlendi.
“Eń aldı menen insan ushın” degen ideyanı ilgeri súrgen halda Konstitutsiya menen jarlılıqtı kemeytiw, bántlikti támiyinlew, jumıssızlıqtan qorǵaw boyınsha normalar belgilendi.
Xalıq turmısı hám salamatlıq dárejesin jaqsılawdıń zárúrli shárti retinde Konstitutsiyada qorshaǵan-ortalıqtı qorǵaw boyınsha kompleks ilajlar belgilendi.
Tálim alıw huqıqı hám múmkinshiligi keńeytiriledi, oqıtıwshılar konstituciyalıq mártebege iye boldı.
Insan huquq hám erkinlikleri kepillikleri sezilerli dáreje kusheytirildi.Shaxs sudtıń qararisiz 48 saattan artiq muddetke uslap turılıwı múmkin emesligi belgilendi. Bul arqalı xalqaralıq ratifikaciya etilgen “Xabeas korpus” institutın qo'llanıw kólemi jánede keńeydi.
Juwmaqlastırıp aytqanda jańa redakciyadaǵı Konstituciyamız birinshi orında tek ǵana insan mápleri ushın xızmet qılatuǵınlıǵı sózsiz.
Qońırat rayonı ádillik bólimi yuridikalıq
xızmet kórsetiw orayı bas yuriskonsult O.T.Matyakupov