Янгиликлар
16
Shinalar ushın utilizaciya tólemin satıp alıwshılar tólemeydi
Shinalar ushın utilizaciya tólemin satıp alıwshılar tólemeydi
Ózbekstan Respublikası Ministrler Kabinetiniń 2020-jıl 3-iyundaǵı «Ayrım túrdegi tovarlar ushın utilizaciya jıyının eńgiziw haqqında»ǵı 347-sanlı Qararı menen 2024-jıl 1-iyuldan baslap utilizaciya jıyını tólenetuǵın pnevmatik rezina shinalar va pokrıshkalardıń dizimi hám utilizaciya jıyını muǵdarları tastıyıqlandı.
Qarar menen jańa shinalar hám pnevmatik pokrıshkalar rezinadan, qayta tiklengen yamasa isletilgen pnevmatik rezina shinalar hám pokrıshkalar, qattı yamasa yarım pnevmatik shinalar hám pokrıshkalar, rezina shinalar hám oralma lentalarınıń salmaǵınan kelip shıqqan xalda hár bir kilogramm ushın bazalıq esaplaw muǵdarınıń 0,3% utilizaciya jıyını belgilendi.
Máselen, 4 shina (balon) jeńil avtomobiller ushın ortasha 6 kg dan 17 kg shekem bolsa, olar ushın 6 120 swmnan 17 340 swmǵa shekem jıyın óndiriledi. Bul jıyın qarıydarlardan óndirilmeydi, jıyın shina islep shıǵarıwshılar yamasa shetten import qılıp atırǵanlar tóleydi.
Transport quralların import qılatuǵın (erkin aylanısqa shıǵaratuǵın) fizikalıq hám yuridikalıq shaxslar yamasa Ózbekstan Respublikası aymaǵında satılatuǵın dóngelekli transport qurallar, ózi juretuǵın mashilanlar hám olardıń tirkemelerin islep shıǵaratuǵın (jıynaytuǵın, tayarlaytuǵın) yuridikalıq shaxslar utilizaciya jıyın tólewshileri bolıp esaplanadı.
Moynaq rayonı ádillik bólimi
yuridikalıq xızmet kórsetiw orayı baslıǵı M.Koluzanov