Янгиликлар
25
Ózbekstan Respublikasınıń Oliy Majlisiniń wákillikleri
Ózbekstan Respublikasınıń Oliy Majlisiniń wákillikleri
Ózbekstan Respublikasınıń Oliy Majlisi joqarı mámleket wákillik organı sıpatında nızam shıǵarıwshı hákimiyatın ámelge asıradı, Ózbekstan Respublikasınıń Oliy Majlisi eki palatadan ibarat bolıp, Nızamshılıq palatası (tómen palata) hám Senatdan (joqarı palata) ibarat. Ózbekstan Respublikasınıń Oliy Majlisi Nızamshılıq palatası hám Senati wákillik múddeti bes jılǵa saylanadı.
Ózbekstan Respublikası Oliy Majlisi Nızamshılıq palatası hám Senatining birgeliktegi wákillikleri Ózbekstan Respublikası Konstitusiyasınıń jańa redaksiyasında belgilep berilgen, bul wákilliklerinen birin aytıp ótetuǵın bolsaq, Ózbekstan Respublikasınıń Konstitusiyasın qabıl etiw, oǵan ózgeris hám qosımshalar kirgiziw, Ózbekstan Respublikasınıń konstitusiyalıq nızamların, nızamlardı qabıl etiw, olarǵa ózgeris hám qosımshalar kirgiziw, Ózbekstan Respublikasınıń referendumın ótkeriw haqqında hám onı ótkeriw sánesin belgilew haqqında qarar qabıllaw, Ózbekstan Respublikası nızam shıǵarıwshı, atqarıwshı hám de sud hákimiyatı organlarınıń sistemasın hám wákilliklerin belgilew,
Ózbekstan Respublikası quramına jańa mámleket strukturaların qabıl etiw hám olardıń Ózbekstan Respublikası quramınan shıǵıwı haqqındaǵı qararlardı tastıyıqlaw, Ózbekstan Respublikası Ministrler Kabinetiniń usınısına tiykar Ózbekstan Respublikasınıń mámleket byudjetin qabıl etiw, oǵan ózgeris hám qosımshalar kirgiziw, salıqlar hám basqa májburiy tólemlerdi engiziw, Ózbekstan Respublikasınıń hákimshilik aymaqliq dúzilisi máselelerin nızam jolı menen tártipke salıw, shegaraların ózgertiw, Ózbekstan Respublikası Oraylıq saylaw komissiyasın dúzedi hám usı Konstitutsiya hám nızamlarda názerde tutılǵan basqa wákilliklerdi ámelge asıradı.
Ózbekstan Respublikası Oliy Majlisiniń Nızamshılıq palatası hám Senati óz wákilliklerine kirgizilgen máseleler boyınsha qararlar qabıl etedi.
Nızamshılıq baslaması huqıqına iye subektler tárepinen nızam joybarın Ózbekstan Respublikası Oliy Majlisiniń Nızamshılıq palatasına kirgiziw arqalı ámelge asıriladı, nızam joybarların, nızamshılıq usınısların kirgiziw hám kórip shıǵıw tártibi nızam menen belgilenedi.
Ózbekstan Respublikası Oliy Majlisiniń Nızamshılıq palatası tárepinen qabıl etilgen nızam qabıl etilgen kúnnen baslap on kúnden keshiktirilmey Ózbekstan Respublikası Oliy Majlisiniń Senatına jiberiledi, nızam Ózbekstan Respublikası Oliy Majlisiniń Senatı tárepinen alpıs kún ishinde kórip shıǵıladı hám maqullangan jaǵdayda, qol qoyılıwı hám járiyalanıwı ushın Ózbekstan Respublikası Prezidentine on kúnden keshiktirmey jiberiledi,
eger Ózbekstan Respublikası Oliy Majlisiniń Senatı nızamdı maqullaw yamasa maqullamaw haqqında alpıs kún ishinde qarar qabıl etpese, Nızamshılıq palatası tárepinen nızam qol qoyılıwı hám járiyalanıwı ushın Ózbekstan Respublikası Prezidentine jiberiledi. Ózbekstan Respublikası Prezidenti nızamdı alpıs kún ishinde qol qoyadı hám járiyalanadı.
Ózbekstan Respublikası Oliy Majlisiniń Senati tárepinen maqullanbaǵan nızam Ózbekstan Respublikası Oliy Majlisiniń Nızamshılıq palatasına qaytarıladı, eger Ózbekstan Respublikası Oliy Majlisiniń Senati tárepinen maqullanbaǵan nızamdı qayta kórip shıǵıwda Nızamshılıq palatası deputatlar ulıwma sanınıń úshten eki bóleginen ibarat kópshilik dawısı menen nızamdı jáne maqullasa, nızam Ózbekstan Respublikası Oliy Majlisi tárepinen qabıl etilgen esaplanadı hám de qol qoyılıwı hám járiyalanıwı ushın Ózbekstan Respublikası Prezidentine Nızamshılıq palatası tárepinen jiberiletuǵınlıǵı konstitisiyamızda belgilengen.
Taxtakópir rayonı Yuridikalıq xızmet
kórsetiw orayınıń bas yuriskonsultı: Shaxanov Dauletbay Azatullaevich