Янгиликлар
17
PHAJ bóliminde eksterritorial tártipte xızmet kórsetiw
PHAJ bóliminde eksterritorial tártipte xızmet kórsetiw.
Puqaralarǵa kórsetiletuǵın mámleketlik xızmetlerdiń sıpatın asırıw, olarǵa qolaylıqlar jaratıw, artıqsha byurokratiyalıq tosqınlıqlardı qısqartıw búgingi kúnniń baslı talaplarınıń biri.
2021 jıldıń 23-mart kúni «Xalıqqa hám isbilermen subektlerine mámleket xızmetlerinen paydalanıwda jánede qolaylı sharayatlar jaratıw, byurokratyalıq tosqınlıqlardı qısqartıw boyınsha qosımsha shara-ilajlar haqqında» ǵı PF-6191 sanlı Prezident pármanı qabıl etildi. Bul pármanǵa muwapıq 2021-jıl 1-iyunnan baslap puqaralıq halatı aktlerin tuwılıw, neke dúzilgenligi, nekeden ajırasıw, ólim, atı hám familiyasın ózgertiw, ákelikti belgilew, perzentlikke alıw, sonday aq nekeden ótiwshilerdimedicinalıq kórikten ótkeriw, eksterritorial principi tiykarında ámelge asırılıwı belgilengen.Xızmetler kórsetiwdegi bul jeńillikler puqaralar ushın haqıyqıy jaratılǵan qolaylıq boldı. Mısalı burın puqara tuwılǵanlıq haqqında gúwalıǵın tákirar almaqshı bolsa, qaysı PHAJ bóliminen alǵan bolsa sol bólimge tikkeley múrajat etiwi yamasa ózi jasap turǵan jerdegi PHAJ bólimine múrajat etiwi kerek edi. Bul demek artıqsha waqıt hám shıǵın talap etedi. Sonday-aq tiyisli PHAJ bóliminen gúwalıqtı pochta arqalıq aldırıw ushın háptelep kútiw kerek. Endi puqaralar ózleri ushın qolaylı bolǵan PHAJ bólimlerine múrajat etip, sol kúnniń ózinde-aq jumısların pitiriwi múmkin.
Puqaralarǵa tez hám sapalı xızmetler kórsetiw, alısın jaqın etiw, múrajatların pitiriw, olardıń mámleketlik xızmetler kórsetiwshi mekemelerden razı bolıp shıǵıp ketiwi bul demek biz alǵa qoyǵan wazıypamızdı orınlaǵanlıǵımızdan derek beredi.
Nókis rayonı PHAJ bólimi inspektorı G.Otepova