Янгиликлар
02
Ózbekstan Respublikası Prezidentinıń “Ózbekstan - 2030” strategiyası haqqındaǵı Pármanı hám ondaǵı baǵdarlar.
Ózbekstan Respublikası Prezidentinıń “Ózbekstan - 2030” strategiyası haqqındaǵı Pármanı hám ondaǵı baǵdarlar.
Ózbekstan Respublikası Prezidentinıń 2023-jıl 11-sentyabrde PP-158-sanlı pármanı menen “Ózbekstan - 2030” strategiyası tastıyıqlandı hámde onı 2023-jılda óz waqtında hám sapalı ámelge asırıw boyınsha 2023-jıl 11-sentyabrde PQ-300-sanlı Prezident qararı qabıl etildi
Pármange kóre, “Ózbekstan - 2030” strategiyası tómendegi 5 ústin turatuǵın baǵdar hám de 100 maqsetten ibarat:
-har bir insanǵa óz potencialın ámelge asırıw ushın múnásip sharayatlar jaratıw;
-turaqlı ekonomikalıq ósiw arqalı xalıq párawanlıǵın támiyinlew;
-suw resursların tejew hám qorshaǵan ortalıqtı qorǵaw;
-nizam ústinligin támiyinlew, xalıq xızmetindegi mámleketlik basqarıwdı shólkemlestiriw;
-“qawipsiz hám tınıshlıqsúyer mámleket” princibine tiykarlanǵan siyasattı izbe-iz dawam ettiriw.
-2023-jıl 11-sentyabrde PQ-300-sanlı qararǵa kóre, 2024-jıl 1-yanvardan:
-mámleketlik mektepke shekemgi bilimlendiriw shólkemleri tárbiyalanıwshılarına belok, vitamin hám minerallar menen bayıtılǵan sút, yod penen toyındırılǵan nan ónimleri beriliwi jolǵa qoyıladı;
-Xorezm wálayatınıń Qoskópir hám Xonqa rayonlarında eksperiment kórinisinde, barlıq baslanǵısh klass oqıwshıları tálim planshetleri menen támiyinlenip, keyinshelik usı tájiriybe respublikanıń barlıq aymaqlarında basqıshpa-basqısh engiziledi;
-banklardıń mámleketlik emes ulıwma orta bilim beriw shólkemleri iskerligin jolǵa qoyıw ushın qunı 20 milliard swmǵa shekemgi kreditler boyınsha, payız stavkası tiykarǵı stavkadan asatuǵın, biraq onıń 1,5 tesesinen kóp bolmaǵan bólegin qaplaw ushın kompensaciya usınıw ámeliyatı jolǵa qóyıladı.
- 2024-jıl 1 yanvardan baslap:
- awıl xojalıǵı ónimlerin jetilistiriwshılerge ónimdi qamsızlandırıwda qamsızlandırıw sıylıǵınıń 50 procenti muǵdarında subsidiya beriw tártibi engiziledi;
- xalıqqa jol háreketi qawipsizligi salasında mámleket xızmetlerin kórsetiwde, sonday-aq avtomototransport quralların mámleket diziminen ótkeriwde avtomototransport quralınıń aldı-sattı shártnamaları hám basqa notarial tastıyıqlanǵan pitimlerdi «Notarius» avtomatlastırılǵan informaciya sistemasınan alıw ámeliyatı jolǵa qóyıladı hám arza beretuǵınlardan usı hújjetlerdi talap etiw qadaǵan etiledi;
- notarial mekemege kelmesten, sonday-aq sırt elde turıp mal-múlkten paydalanıw menen baylanıslı pitimlerdi (múlk huqıqın basqa shaxsqa ótkeriwden tısqarı) elektron sanlı qol tańbadan paydalanıp, videokonferents baylanıs arqalı rásmiylestiriw tártibi jolǵa qóyıladı;
- 2024 jıl 1-yanvardan baslap basqıshpa-basqısh barlıq qala hám rayonlarda «Máhelle byudjeti» sisteması engiziledı.
- Bunda, rayon hám qala byudjetlerine túsetuǵın salıq túsimlerinıń bir bólegi máhellelerdiń social-ekonomikalıq máselelerin sheshiw qorlarına baǵdarlaw belgilenedi;
- Baslamalı byudjet ámeliyatın hám máhellelerdiń finanslıq ǵárezsizligin jánede keńeytiw maqsetinde 2024-jılda jámiyetshilik pikiri tiykarında qáliplestiretuǵın joybarlardı finanslıq támiynlew ushın Mámleket byudjetinen 10 trillion som, sonnan «Abad awıl» hám «Abad máhelle» programmaları ushın keminde 4 trillion som baǵdarlanadı;
- 2024-jıl juwmaǵına shekem nızamda belgilengen tiykarlarda operativ-qıdırıw hám tergew háreketlerine sankciya beriw máselesin ayrıqsha sudyalar — tergew sudyaları tárepinen kórip shıǵıw tártibi engiziledı;
- isbilermenlik salasında juwapkershilikti jánede liberallastiriw maqsetinde 2024-jıl 1-yanvardan baslap:
- birinshi marte jınayat islegen shaxstı, eger ol sud oylasıq xanasına kiremen degenshe salıqlar hám jıyımlar, sonday-aq penyalar hám basqa finanslıq sankciyalar formasında mámleketke jetkizgen ziyannıń ornın tolıq qaplasa, juwapkerlikten azat etilledi;
- isbilermenlik subektlerine qarata qozǵatılǵan hár bir jınayat ısı boyınsha tergew hámde sud processinde tiyisli lawazımlı shaxs jınayat ısı materialların ıs júrgiziwge qabıl etken waqıttan baslap isbilermendi qorǵawǵa Biznes-ombudsman, Sawda-sanaat palatası, sonıń menen birge isbilermenlik subekti aǵza esaplanǵan basqa shólkemdi jámiyetlik qorǵawshısı retinde qosıwı (xabar etiw) tártibi engizilsin;
- 2024 jıl 1-yanvardan baslap xalıq jasawshı punktlerinde barlıq jańa qurılıp atırǵan eki hám onnanda artıq polosali avtomobil jollarında piyadalar ótiw koridorların svetoforlar menen tolıq úskenelew májbúriy etip belgilenedi.
- 2023/2024 oqıw jılınan:
-ulıwma orta bilim beriw mákemeleriniń 10 -klass oqıwshıların kásip-ónerlerge úyretiw kursları engiziledi;
-Prezident mektepleri hám qánigelestirilgen mektepler ulıwma orta bilim beriw mákemeleri ushın “tayanısh mektep” etip belgilenedi.
Nókis rayonı Ádillik bólimi Yuridikalıq xızmet kórsetiw orayı
Bas yuriskonsulti: G.Izekeeva 24.01.2024-jıl.