Янгиликлар
29
Kommunal saladaǵı nızamshılıq hújjetlerinde belgilengen jeńillikler
Kommunal saladaǵı nızamshılıq hújjetlerinde belgilengen jeńillikler
Janar may-energiya resurslarınan nızamǵa qarsı paydalanıw jaǵdayların saplastırıw hám aldın alıw, olardan nátiyjeli hám aqılǵa say paydalanıw arqalı ekonomika tarmaqları jáne social tarawdıń energiya natiyjeliligin asırıw, qarıydarlar tárepinen elektr energiyası hám tábiyiy gazden paydalanıw qaǵıydalarına ámel etiliwi ústinen qadaǵalawdı kúsheytiw maqsetinde 2023-jıl 13-fevral kúni Ózbekstan Respublikası Prezidentiniń “Janar may-energiya resurslarınan paydalanıw salasında mámleket qadaǵalawı natiyjeliligin asırıw ilájları tuwrısında”ǵı 54-sanlı qararı qabıllandı.
Qararǵa muwapıq, Bas prokurordıń janar may-energiya resurslarınan paydalanıw salasında nızamshılıqqa ámel etiliwi jáne onıń atqarıwı ústinen qadaǵalawdı ámelge asırıwǵa juwapker bolǵan orınbasarı lawazımı engizildi. Energetika ministrligi janındaǵı Elektr energiyası, neft' ónimleri hám gazden paydalanıwdı baqlaw inspektsiyasi iskerliginiń ústin turatuǵın baǵdarları belgilendi. Mámleket hákimiyatı hám basqarıwı shólkemleri, huqıqtı qorǵawshı hám qadaǵalawshı organlar tárepinen O'zenergoinspekciya xızmetkerleri moynına olardıń wákilligine kirmeytuǵın wazıypalardıń júkleniwi qadaǵan etiledi.
2023 jıl 1-marttan:
▫️O'zenergoinspektsiya elektr energiyası hám tábiyiy gazdı baqlaw hám de esapqa alıwdıń avtomatlastırılgan sistemalarındaǵı janar may-energiya resursları tutınıwı tuwrısındaǵı maǵlıwmatlardı monitoriń etedi;
▫️elektr energiyası hám tábiyiy gazden paydalanıw qaǵıydaların buzıw menen baylanıslı huqıqbuzarlıq boyınsha dúzilgen aktlerdı elektron rásmiylestiriw hám tiyisli maǵlıwmatlardı “E-ma‘muriy ish” sistemasına kirgiziw tártibi engiziledi.
2023 jıl 1 iyuldan yuridikalıq shaxslar hám jeke tártipdegi isbilermenler menen elektr energiyası hám de tábiyiy gazdi jetkiziw boyınsha shártnamalar elektr hám gaz támiynatı kárxanalarınıń programmalıq támiynatı yamasa “Ashıq qurılıs” milliy informaciya sisteması arqalı dúziledi.
2023 jıl 1 iyunǵa shekem janar may-energiya resurslarınan nızamǵa qarsı hám nátiyjesiz paydalanıw jaǵdayları anıqlanǵanda, insan faktorısız qayta esap-kitap qılıw, jetkizilgen zıyan muǵdarın anıqlaw hám Salıq komiteti bazasında parallel túrde esapqa alıwdı názerde tutatuǵın programma engiziledi.
Qararǵa tiykar sonıń menen birge, elektr energiyası, gaz hám de suwdan paydalanıw qaǵıydaların buzıw arqalı talan-taraj qılıw jaǵdayların urlıq jınayatı retinde belgilewdi názerde tutatuǵın nızam joybarı islep shıǵıladı.
Qaraózek rayonı Ádillik bólimi,
Mámleketlik xızmetler orayı
bólim baslıǵı A.Dosımbetov