Янгиликлар
29
KADASTR PASPORTÍN TAYARLAW TÁRTIBI
KADASTR PASPORTÍN TAYARLAW TÁRTIBI
Búgingi kúnde mámleketimizde alıp barılıp atırgan siyasat, ámelge asırılıp atırǵan reformalardıń barlıǵı xalqımız jaqsı jasawı ushın ámelge asırılmaqta. Házirgi kunde
150 den aslam mámleketlik xızmetler kórsetilip atırǵan Mámleketlik xızmetler oraylarınıń tiykarǵı maqseti xalıqtıń awırın jeńil qılıw, olardı kórsetilip atırǵan xızmetlerdiń sapasınan razı qılıw esaplanadı.
Ózbekstan Respublikası Ministrler Kabinetiniń 2020-jıl 2-sentyabr kúni 535-sanlı “Kadastr tarawında ayrım mámleketlik xızmetlerdi kórsetiwdiń hákimshilik reglamentlerin tastıyıqlaw haqqında”ǵı qararı qabıl etilgen edi.
Tastıyıqlanǵan reglamenttiń 1-qosımshası boyınsha endi fizikalıq hám yuridikalıq shaxslar kóshpes múlk obektine kadastr pasportın isletiw ushın mámleketlik xızmetler oraylarına yamasa Ózbekstan Respublikası Birden-bir interaktiv mámleketlik xızmetler portalı arqalı múrájat etedi.
Sonday-aq, kóshpes múlktiń kadastr pasportı birlemshi xatlaw jumısları orınlanǵanda, obekttiń bir bólimi bólingende yamasa jer uchastkası óz aldına bólingende (bunda eki bólimge óz aldına kadastr pasportı isletiledi), awıl xojalıǵına arnalmaǵan jer uchastkaları menshiklestirilgennen soń, olardıń bir bólimine bolǵan huqıq basqa shaxsqa ótkende, jer uchastkasınıń maydanı yamasa shegara noqatları ózgergende, kóshpes múlk obektiniń mánzilin belgilewde yamasa ózgertiriwde, kóshpes múlk obektiniń tipi ózgergende hám óz jer uchastkasında tiyisli ruxsatnamalardı rásmiylestirmesten qurılǵan imáratlar bar bolǵan halatlarda rásmiylestiriledi hám qayta rásmiylestiriledi.
Kadastr pasportın alıw hámde belgilengen tártipte kóshpes múlkti mámleketlik dizimnen ótkeriw ushın arza beriwshiniń qálewine kóre bir waqıtta yamasa óz aldına múrájat etiw múmkin.
Kadastr pasportın tayarlaw obekttiń quramalılıǵına qarap belgilengen múddetlerde ámelge asırıladı. Kóshpes múlk obektleriniń turaq jayǵa tiyisli bólimi boyınsha, kóp kvartiralı úydegi kvartira – 3 jumıs kúnine shekem, jeke tártiptegi turaq jay – 5 jumıs kúnine shekem; kóshpes múlk obektleriniń naturaq jayǵa tiyisli bólimi boyınsha: ulıwma maydanı 100 kv.m deyin – 5 jumıs kúnine shekem, ulıwma maydanı 100 kv.m den 1 000 kv.m deyin – 7 jumıs kúnine shekem hám ulıwma maydanı 1 000 kv.m den artıq bolǵanda 10 – 25 jumıs kúnine shekem bolǵan múddetlerde ámelge asırıladı.
Kadastr pasportı joytılǵanda (jaramsız halatqa kelgende), qaǵaz yamasa plastik kóriniste jańa kadastr pasportı eki jumıs kúni dawamında beriledi.
Kóshpes múlktiń kadastr pasportında múlkdar yamasa huqıq belgilewshi hújjetler haqqındaǵı maǵlıwmatlar kórsetilmeydi.
Sonday-aq, sorawnamada nadurıs maǵlıwmatlar kórsetiliwi, kóshpes múlk obektlerine bolǵan huqıqlardı tastıyıqlawshı hújjetlerdiń bolmawı, arza beriwshi yamasa onıń wákili kelisilgen mánzilde bolmaǵan jaǵdayda, juwapker organ tárepinen kadastr pasportın rásmiylestiriw boyınsha kóshpes múlk obektine qadaǵan yamasa xatlaw qoyılǵanlıǵı kadastr pasportın beriwdi biykar etiw ushın tiykar boladı.
Qaraózek rayonı Ádillik bólimi
Mámleketlik xızmetler orayı direktorı: A.Doshetov