Янгиликлар
29
Atalıqtan ayırıw tiykarları
Atalıqtan ayırıw tiykarları
Mámleketimizde ázel-ázelden balalardıń ruwhıy, aqlıy hám fizikalıq tárbiyasına júdá úlken áhmiyet berilip, olardı kámil
insan etip tárbiyalawǵa ayrıqsha itibar berilip kelingen.
Elimiz gárezsizlikke eriskennen keyin jas shańaraqlardı qollap-quwatlaw, analıq hám balalıqtı qorǵaw, deni saw áwladtı jetilistiriw maqsetinde barlıq zárúr shárayatlar jaratılmaqta. Bunda ósip kiyatırǵan áwlad haqqında ǵamxorlıq etiw hám olar ushın jaqsı turmıs shárayatın jaratıwǵa qaratılǵan sociallıq dástúrler
ústinligine úlken áhmiyet berilmekte. Milletimiz keleshegi bolǵan perzentlerimizdiń ruwhıy dúniyası, olardıń aqlıy tárepten jetisken, fizikalıq jaqtan shınıqqan insan bolıwı ushın hár kúni oylawımız kerek. Bunday zárúr wazıypalar birinshi náwbette jámiyetimizdiń baslanǵısh buwını esaplanǵan shańaraqta ámelge asırılıwı oǵan bolǵan itibardı jánede kúsheytiriwdi, shańaraq penen baylanıslı múnásebetlerdi hár kúni qaytalawdı talap etedi.
Eger ata shańaraqta ózin qalay tutıw kerekligin bilmese, tárbiyalıq jaqtan perzentlerine órnek bolıw ornına qopal qatnasta bolatuǵın bolsa, onda bunday jaǵday balanıń kámil insan bolıp qáliplesiwine keri tásirin tiydiriwi sózsiz.
Ata-analardıń balalarına qarata ata-analıq májbúriyatların orınlawdan bas tartıwları, ata-analıq huqıqların orınlamawı, balalarǵa qarata jawızlarsha qatnasta bolıp fizikalıq kúsh isletiwleri yaki ruwhıy tásir kórsetiwleri, óz balalarınıń ómiri hám den-sawlıǵına qarsı qasttan jınayat islewi, bir sóz benen aytqanda balanıń shańaraqtaǵı huqıq hám nızamlı máplerin támiynlemew sıyaqlı mashqalalar shańaraq haqqında usı máselelerdi óz ishine alıwshı ata-analıq huqıqınan ayırıw menen baylanıslı múnásebetlerdi payda etpekte.
Bir sóz benen aytqanda , ata-analardıń perzentleri aldındaǵı nızamda belgilengen májbúriyatlarınıń orınlanıwı elimiz keleshegi bolǵan jas áwladtı hár tárepleme kámil insan sıpatında er jetiwine xızmet etedi. Jas áwladtıń hár tárepleme kámil insan bolıp jetilisiwine bolsa hár birimiz , atap aytqanda ata-analar, máhálle hám sonıń menen birge tiyisli mekemeler birdey juwapker bolamız.
Qanlıkól rayonı ádillik bólimi
PHAJ bólimi
1-dárejeli inspektorı Seytjanova Jupar Turǵanbayevna