Янгиликлар
25
Bala huquqları boyınsha wákili (Balalar ombudsmanı) haqqındaǵı Nızamı mazmun-mánisi
Bala huquqları boyınsha wákili (Balalar ombudsmanı) haqqındaǵı Nızamı mazmun-mánisi
Ózbekistan Respublikası Oliy Majlisinıń 29.02.2024 jılı ÓRQ-917-sanlı Bala huquqları boyınsha wákili (Balalar ombudsmanı) haqqındaǵı Nızamı qabıl etildi.
Nızamǵa kóre, bala huquqları boyınsha wákil (Balalar ombudsmanı) lawazımlı shaxs bolıp, ol mámleket organları, sonday aq huquqtı qorǵawshı hám qadaǵalawshı organlar, kárxánalar,mekemeler,shólkemler hámde lawazımlı shaxslar tárepinen bala huquqları haqqındaǵı nızamshılıqqa ámel etiliwi ústinen parlament qadaǵalawın ámelge asıradı.
Wákil óz wákilliklerin mámleket organlarına hám olardıń lawazımlı shaxslarınan
ǵárezsiz ráwishte ámelge asıradı hámde Oliy Majlis palatasına esap beredi.
Bala huquqları boyınsha wákil Oliy Majlis Nızamshılıq palatası hám Senatı tárepinen 5-jıl múddetke saylanadı.Bala huquqları boyınsha wákildiń tiykarǵı wazıypaları,huquqları hám májbúriyatları tómendegilerden ibarat:
-lawazımlı shaxslarǵa bala huquqları haqqındaǵı nızamshılıqtıń buzılıwına jol qoyılmaslıǵı haqqında eskertiwler jiberiw;
-mámleket organlarınıń hám basqa shólkemlerdiń basshıları bala huquqları haqqındaǵı nızamshılıq buzılıwı,olarǵa imkán beriwshi sebep hám shárt-sharayatlardı saplastırıw haqqında kórip shıǵılıwı májbúriy bolǵan usınıslar kiritiw;
-háreketleri yáki háreketsizliginde bala huquqları buzılǵanlıǵı anıqlanǵan shaxslardı juwapkershilikke tartıw haqqında tiyisli organlarǵa iltimasnamalar kiritiw huquqına iye.
Wákil hár jılı,esabat jılınan keyingi jıldıń 15-fevralına shekem bala huquqları haqqındaǵı nızamshılıqqa ámel etiliw jaǵdayı haqqında Oliy Majlis palatasına doklad usınadı.Wákil balanı qıynaw hám basqada jawız,qadir-qımbattı kemsitiwshi hámde jaza túrlerin qollawdıń aldın alıw boyınsha sharalar kóredi.Wákil óziniń Qaraqalpaqstan Respublikası,walayatlar hám Tashkent qalasındaǵı wákilin tayınlaydı.
Kegeyli rayoni PHAJ bólimi
1-dárejeli inspektorı R.P.Samambetova