Янгиликлар
25
Q.Q atlı puqaranıń 11 jıl 8 kún hám N.I nıń bolsa 12 jıl 3 ay 15 kún esapqa alınbaǵan jumıs stajları qayta esaplanıwı boyınsha múrájatı qanaatlandırılıp, pensiya muǵdarı asırılıwına erisildi
Q.Q atlı puqaranıń 11 jıl 8 kún hám N.I nıń bolsa 12 jıl 3 ay 15 kún esapqa alınbaǵan jumıs stajları qayta esaplanıwı boyınsha múrájatı qanaatlandırılıp, pensiya muǵdarı asırılıwına erisildi
Ózbekstan Respublikası Konstituсiyasınıń 46-statyasında “Hár kim qartayǵanda, miynet qábiletin joytqanda, jumıssızlıqta, sonday-aq, baǵıwshısın joytqanda hám nızamda belgilengen basqa jaǵdaylarda sociallıq támiynat alıw huqıqına iye” dep kórsetilgen.
Biraq soǵan qaramastan ayırım jaǵdaylarda pensiya jasındaǵı puqaralardıń pensiyaǵa shıǵıw waqtında islegen jumıs stajı tolıq esapqa alınbay, olarǵa mámleket tárepinen beriletuǵın pensiya muǵdarları az esaplanıp, olardıń huqıqları buzılıp atırǵan jaǵdaylar ushırasıp atır. Atap aytqanda, Shomanay rayonında jasawshı puqara Q.Q hám N.I lar Shomanay rayonı ádillik bólimine házirgi kúnde pensiya jasında ekenligi, pensiya esaplawda ayırım jumıs stajı jılları esapqa alınbay qalǵanlıǵınan narazı bolıp múrájat etti.
Múrájattı úyraniw dawamında Q.Q nıń 11 jıl 8 kún jumıs stajı, N.I nıń bolsa 12 jıl 3 ay 15 kún jumıs stajı asapqa alınbaǵanlıǵı anıqlandı hám bul boyınsha Nókis rayonlararalıq hákimshilik sudına shaǵım arza kiritildi.
Kiritilgen shaǵım arzası Nokis rayonlararalıq hákimshilik sudı tárepinen kórip shıǵılıp Q.Q hám N.I lardıń esapqa alınbaǵan jumıs stajları qayta esaplaw boyınsha sud qararı qabıl etilip, puqaralardıń huqıqları tiklendi.
Shomanay rayonı ádillik bólimi