Янгиликлар
25
Puqara M.J. hám jámi 17 puqaranıń miynet dem alısınıń qalıp ketken kúnleri ushın kompensaciya óndirip beriw boyınsha Taxtakópir rayonı ádillik bólimine etken múrájatı tolıq qanaatlandırılıp, puqaralar paydasına sheshildi
Rayonda jasawshı puqara M.J. hám basqalar, jámi 17 puqara rayon ádillik bólimine arza menen múrájat etti. Olar óz múrájatında Respublika Oba profilaktika orayı Qaraqalpaqstan Respublikası filialı Taxtakópir rayonı bóliminde laborant hám miyirbiyke (sanitarka) lawazımlarında jumıs isleytuǵınlıqların bildirip, 2020-jılǵı jumıs orınların attestaciyadan ótkeriw komissiyası qararı menen miynet dem alısı kúnleri 56 kún etip belgilengenligin, biraq 2020, 2021, 2022-jıllar dawamında laborantlar 36 kún, sanitarkalar 24 kún miynet dem alısın alıp kelgenligin kórsetip, sol qalıp ketken kúnler ushın kompensaciya óndirip beriwdi soraǵan.
Rayon ádillik bólimi tárepinen Respublika Oba profilaktika orayı Qaraqalpaqstan Respublikası filialı Taxtakópir rayonı bólimine puqara M.J. hám basqalar, jámi 17 puqaranıń buzılǵan huqıqların tiklew maqsetinde Ózbekstan Respublikası Miynet kodeksi hám Ministrler Kabinetiniń 2014-jıl 15-sentyabrdegi “Xızmetkerler miynetin qorǵaw ilajların jánede jetilistiriw haqqında”ǵı 263-sanlı qararı talaplarına qatań ámel etiliwin, Bólim hám bul xızmetkerler ortalarında dúzilgen miynet shártnamalarınıń haqı tólenetuǵın jıllıq miynet dem alısları belgilengen bántlerine jumıs orınların miynet sharayatları boyınsha attestaciyadan ótkeriw materialları tiykarında qosımsha dem alıstıń dawam etiw waqtı qosıp esaplanatuǵınlıǵı haqqında tiyisli tártipte ózgerisler kirgiziliwin, bólim tárepinen bul puqaralarǵa 2020, 2021, 2022-jıllar dawamında miynet dem alısların beriw haqqındaǵı qabıllanǵan buyrıqlarına jumıs orınların miynet shárayatları boyınsha attestaciyadan ótkeriw materialları tiykarında qosımsha dem alıstıń dawam etiw waqtı qosıp esaplanatuǵınlıǵı haqqında tiyisli tártipte ózgerisler kirgiziliwin hám de sol jıllar dawamında miynet dem alısları beriliwi hám dem alıs waqtı ushın haqı tóleniwi boyınsha olarǵa, jámi 116153751 swm tóleniwi tiyis bolǵan dem alıs waqtı ushın haqıdan payda bolǵan qarızdarlıqtıń tolıq tólenip beriliwin támiyinlew soralıp, orınlanıwı májburiy bolǵan usınıs kirgiziliwi nátiyjesinde puqara M.J. hám basqalar, jámi 17 puqaranıń buzılǵan huqıqların tikleniwine jámi 116153751 swm tóleniwi tiyis bolǵan qarızdarlıqtıń tolıq tólenip beriliwine erisildi.
Taxtakópir rayonı ádillik bólimi