Янгиликлар
25
Xojeli rayonı ádillik bólimi tárepinen 2024-jıldıń I-sheregi dawamında fizikalıq hám yuridikalıq shaxslardıń múrájatları boyınsha ámelge asırılǵan jumıslar...
Rayon (qala) ádillik bólimine ótken dáwir dawamında fizikalıq hám yuridikalıq shaxslardan 77 arza kelip túsip óz waqtında puqaralarǵa tiyisli tártipte juwap xatları berildi. Fizikalıq hám yuridikalıq shaxslardan 77 múrájatlar kelip túsip, usınnan 71 múrájat, yaǵnıy 92 payızı qanaatlanǵan.
Ádillik bólimine kelip túsken múrájatlardıń basım kópshiligi miynet, sociallıq qorǵaw, pensiyasın qayta esaplaw hám de basqa da máseleler menen baylanıslı bolıp esaplanadı. Puqaralardıń huqıqların tiklew maqsetinde, sudlarǵa jámi 24 726 369 swmlıq 29 dawa arzalar kirgizilip, 22 dawa arzalar qanaatlanǵan bolsa, 7 dawa arzalar kórip shıǵılmaqta.
Rayon ádillik bólimi tárepinen mámleketlik uyımları hám shólkemlerde nızamshılıq normalarınıń durıs qollanılıwı ústinen turaqlı ráwishte monitoring jumısları alıp barılmaqta. Usınıń nátiyjesinde 2024-jıldıń 1-sheregi dawamında mámleketlik uyımları hám shólkemleri tárepinen 834 jaǵdayda nızam buzılıwına jol qoyılǵanlıǵı anıqlandı. Atap aytqanda, 834 mámleketlik uyımları hám shólkemlerde úyreniwler ótkerilip, anıqlanǵan nızam buzılıwı jaǵdayların saplastırıw maqsetinde, 8 usınıslar, usınnan hákimshilik juwapkershilikke tartıw boyınsha 23 usınıslar kiritildi. Tásir sharaları nátiyjelerine kóre, mámleketlik uyımları hám shólkemleriniń 23 lawazımlı shaxsları hám juwapker xızmetkerleri hákimshilik juwapkershilikke tartıldı.
Ministrlik sisteması tárepinen jańadan qabıl etilgen normativ-hújjetlerdi orınlawshılarǵa óz waqtında jetkerip beriw, xalıq penen tıǵız baylanıstı támiyinlew, olardıń mashqalaların úyreniw hámde huqıqıy másláhát beriw maqsetinde 2023-jıldıń I-sheregi dawamında 85 úgit-násiyat jumısları ámelge asırıldı. Usınnan, 25 ǵalaba xabar quralları arqalı, 35 awızeki hámde 25 kórgizbeli hám jazba huqıqıy úgit-násiyat jumısları bolıp esaplanadı.
Xojeli rayonı ádillik bólimi