Янгиликлар

Kadastr pasportın tayarlaw múddetleri haqqında ulıwma maǵlıwmat...

---

Ózbekstan Respublikası Ministrler Kabinetiniń 2020-jıl 2-sentyabr kúni «Kadastr tarawında ayırım mámleketlik xızmetlerdi kórsetiwdiń hákimshilik reglamentlerin tastıyıqlaw haqqında»ǵı 535-sanlı qararı qabıl etildi.

Qarar menen kóshpes múlk obyektine kadastr pasportın beriw boyınsha mámleketlik xızmetler kórsetiwdiń hákimshilik reglamenti tastıyıqlandı. Oǵan kóre, kóshpes múlk obyektin kadastr esabına alıw hám kadastr jıyma toplamın qáliplestiriw nátiyjesinde kóshpes múlk obyekti boyınsha elektron formada kadastr pasportı rásmiylestiriledi. Arza beriwshi kadastr pasportın alıw ushın Mámleketlik xızmetler orayına ózi kelip múrájat etedi yamasa birden-bir interaktiv mámleketlik xızmetler portalında dizimnen ótken halda ǵárezsiz túrde arza jiberedi.

Kadastr pasportın tayarlaw: kóshpes múlk obyektleriniń turaq jayǵa baylanıslı bólegi boyınsha tómendegi múddetlerde ámelge asırıladı:

kóp kvartiralı úydegi kvartira – 3 jumıs kúnine shekem;

jeke tártiptegi turaq jay – 5 jumıs kúnine shekem; (aldın bul múddet tiyislisinshe 7, 10 kún edi).

Kóshpes múlk obyektleriniń turaq emes jayǵa baylanıslı bólegi boyınsha:

ulıwma maydanı 100 kv.m ge shekem – 5 jumıs kúnine shekem;

ulıwma maydanı 100 kv.m den 1000 kv.m ge shekem – 7 jumıs kúnine shekem;

ulıwma maydanı 1000 kv.m den 5000 kv.m ge shekem – 10 jumıs kúnine shekem;

ulıwma maydanı 5000 kv.m den 15000 kv.m ge shekem – 15 jumıs kúnine shekem;

ulıwma maydanı 15000 kv.m den 50000 kv.m ge shekem – 20 jumıs kúnine shekem;

ulıwma maydanı 50000 kv.m den artıq – 25 jumıs kúnine shekem (aldın bul múddet tiyisligi boyınsha 10 kúnnen 45 kúnine shekem bolǵan).

Kadastr jıyma toplamı qáliplestirilgennen soń, kadastr pasportın beriw ushın tólem muǵdarı bahası kórsetilgen xabarnama (invoys) Mámleketlik xızmetler orayına yamasa arza beriwshige elektron formada jiberiledi. Arza beriwshi xabarnamanı alǵannan soń 1 ay dawamında belgilengen tólemdi tóleydi.

Tómendegi jaǵdaylarda kadastr pasportın rásmiylestiriw pulsız ámelge asırıladı:

kóshpes múlk obyekti boyınsha birlemshi kadastr jıyma toplamı (pasportı) bar bolıp, obyektte ózgerisler (rekonstrukciya, qosımsha hám ayırıqsha qurılıs) bolmasa;

kóshpes múlk obyektiniń bir bólegi ózlestirilgende obyekttiń qalǵan bólegine yamasa rekonstrukciyasız taypası ózgergende;

kadastr jıyma toplamı (pasportı) joytılǵanda (jaramsız halǵa kelgende).

Bunday jaǵdaylarda kadastr pasportı 3 jumıs kúni dawamında rásmiylestiriledi.

Moynaq rayonı ádillik bólimi

---