Янгиликлар
25
Sırtqı reklama monitoring sisteması haqqında ulıwma maǵlıwmat
Ózbekstan Respublikası Ministrler Kabinetiniń 2023-jıl 31-avgust kúngi 428-sanlı qararı menen 2023-jıl 1-dekabrden baslap sırtqı reklama bazarı qatnasıwshıları ushın teń shárayatlar jaratıw hám de tarawda ashıqlıqtı támiyinlewge qaratılǵan "Sırtqı reklama" cifrlı monitoring elektron sisteması engizildi.
Sonday-aq, mámleketlik múlk bolǵan jer uchastkaları, imaratlar hám de imaratlarda jańa ornatılatuǵın sırtqı reklama hám málimleme obyektlerin (konstruksiyaların) qurıw huqıqı ushın elektron onlayn-aukcion juwmaqları boyınsha tólem hám de sırtqı reklama hám málimleme obyektlerinde (konstruksiyalarında) sırtqı reklamanı jaylastırıw (tarqatıw) ushın jıyım ornına muǵdarı ashıq elektron aukcion sawdaları arqalı belgilenetuǵın sırtqı reklama hám málimleme obyektin (konstruksiyasın) ornatıw hám ol jaǵdayda reklamanı jaylastırıwǵa bolǵan huqıq ushın birden-bir aylıq jıyım (keyingi orınlarda-jıynaw) engizildi.
Mámleketlik múlk bolǵan jer uchastkalarında, jay hám de imaratlarda sırtqı reklama hám málimleme obyektleri (konstruksiyaları) ushın reklama ornınıń pasportı hám de olardı ornatıw ushın shártnamalar ǵalabalıq oferta formasında "E-auksion" elektron sawda platformasınıń birden-bir elektron sawda maydanshasında aukcion jeńimpazına avtomatik tárizde beriledi.
Menshiklestirilgen, girewge berilgen yamasa mámleketlik emes shólkemlerge turaqlı paydalanıw huqıqı tiykarında tiyisli bolǵan jer uchastkalarında, sonıń menen birge, jeke menshik bolǵan imaratlarda hám de transport qurallarında (jónelislerdegi avtobuslar bunnan tısqarı) sırtqı reklama hám málimleme obyektlerin (konstruksiyaların) jaylastırıw huqıqın beretuǵın reklama ornınıń pasportı Ózbekstan Respublikası birden-bir interaktiv mámleketlik xızmetler portalı (keyingi orınlarda-BBIMXP) málimleme sisteması arqalı beriledi.
Taxtakópir rayonı ádillik bólimi