Янгиликлар
25
Konstitutsiyada sud hakimiyatı
Konstitutsiyada sud hakimiyatı
Jańa redakciyada qabıl etilgen Ózbekstan Respublikasınıń Konstitusiyasında mámleketlik suverenitet, xalıq hákimiyati, Konstitutsiya hám nızamnıń ústinligi hám sırtqı siyasat tiykarǵı principler retinde belgilengenligi, jáhándıń kóplegen rawajlanǵan demokratiyalıq mámleketleri hám de xalıq aralıq jámiyetshilik tárepinen múnásip tán alındı.
Konstituciyamızda sud hákimiyatı haqqında 28-bapta názerde tutılǵanlıǵın kóriwimiz múmkin.
Atap aytqanda, Konstitutsiyaniń 130-statyasına kóre Ózbekstan Respublikasında ádil sudlaw tek sud tárepinen ámelge asıriladı.
Ózbekstan Respublikasında sud hákimiyatı nızam shıǵarıwshı hám atqarıwshı hakimiyattan, siyasiy partiyalardan, puqaralıq jámiyetiniń basqa institutlarınan ǵárezsiz halda jumıs júrgizedi.
Sudyalardıń ǵárezsizligi, tek nızamǵa boysınıwı, sudyalardıń ádil sudlawdı ámelge asırıw boyınsha iskerligine qandayda bir-bir tárzde aralasıwǵa jol qoyılmawı hám bunday aralasıw nızamǵa muwapıq juwapkerlikke sebep bolıwı sıyaqlı qaǵıydalar Konstitutsiyaniń 136-statyasında bekkemlenip qoyılǵan.
Konstitutsiyaniń 138,139-statyalarında, Sud hákimiyattiń hújjetleri barlıq mámleket shólkemleri hám basqa shólkemler, lawazımlı shaxslar hám de puqaralar ushın májburiy bolıp tabılıwı, Ózbekstan Respublikasında sud jumısların júrgiziw ózbek tilinde, qaraqalpaq tilinde yamasa belgili bir orındaǵı kópshilik xalıq sóylesetuǵın tilde yamasa nızamǵa muwapıq basqa tilde alıp barıladı. Sud jumısları alıp barılıp atırǵan tildi bilmegen sudta qatnasiwshı shaxslardıń awdarmashı arqalı is materialları menen tolıq tanısıw hám sud islerinde qatnasıw huqıqı hám de sudta ana tilinde sóylew huqıqı támiyinlenewi belgilengen.
Qaraózek rayonı Ádillik bólimi Insan huqıqların qorǵaw hám huqıqtı qollaw ámeliyatın úyreniw bólimi bas másláhátshisi Sh.Erlepesov.