Янгиликлар
19
Alıs aymaqlarǵa shıqqan halda kóshpeli túrde kórsetilip atırǵan mámleketlik xızmetler
Alıs aymaqlarǵa shıqqan halda kóshpeli túrde kórsetilip atırǵan mámleketlik xızmetler
Búgingi kúnde mámleketimizde insan mápleri joqarı qádiriyat dárejesine kóterilgen bolıp, bunda barlıq ilajlar «Insan qádiri ushın», al iygilikli ámeller bolsa «Insan mápleri hámme nárseden ústem» - degen princip tiykarında turmısta óz sáwleleniwin tawıp atır. Bunda puqaralardıń mashqalaların úyreniw hám saplastırıw, nızamlı máplerin támiyinlew jolında barlıq ilajlar kórilmekte.
Shomanay rayonı Ádillik bólimi mámleketlik xızmetler orayı tárepinen ámelge asırılǵan jumıslar haqqında aytıp ótetuǵın bolsaq, 2024-jıldıń yanvar-fevral aylarında kórsetilgen mámleketlik xızmetler sanı 4 mıńǵa jaqın zıyat bolıp, bul óz gezeginde oraylar arqalı kórsetilip atırǵan xızmetlerge xalqımızdıń talabı kúshli ekenliginen derek bermekte.
Rayon orayınan alıs aymaqlarda jasawshı awıl turǵınlarına qolaylılıq jaratıw hám olardıń qımbatlı waqtın tejew maqsetinde hár bir awıl hám máhállelerde puqaralar jıyınları kesiminde kóshpeli xızmet kórsetiw grafikleri tastıyıqlanǵan bolıp turaqlı túrde mámleketlik xızmetler kórsetilip kelinbekte.
Atap aytqanda usı jıldıń ótken 2 ayı dawamında xalqımızǵa qolaylılıq jaratıw hám alısın jaqın etiw maqsetinde orayǵa berilgen damas avtomobili arqalı alıs aymaqlarǵa shıqqan halda 350 den zıyat mamleketlik xızmetler kórsetildi.
Jánede puqaralar orayǵa kelip yaki úyden shıqpastan birden-bir interaktiv xızmetler portalı arqalı hám óziniń jasaw yaki turaqlı jasaw mánzilinen qattiy názer qálegen ózine jaqın bolǵan mámleketlik xızmet orayına barıp xızmetlerden paydalanıwı mumkin.
Bunıda aytıp ótiw orınlı birden-bir interaktiv xızmetler portalı (my.gov.uz) arqalı mámleketlik xızmetlerden paydalanıwshılar sanı jıldan jılǵa asıp barmaqta, mısal retinde usı jıldıń ótken 2 ayı dawamında 700 den aslam mamleketlik xızmetler onlayn tarzde paydalanılǵan.
Joqarıda keltirilgenler tek ǵana sanlı kórsetkishler emes bálkim puqaralardıń kundelikli hám jıllar dawamında qıynap kelgen mashqalaları hám máseleleriniń jámlenbesi desekte qátelespegen bolamız.
Mámleketlik xızmetler orayı hár qashanda xalqımızǵa xızmet kórsetiwge tayın ekenligin ham buǵan bekkem bel baylaǵanlıǵın xalqımızǵa bárelle aytqımız keledi.
Shomanay rayonı ádillik bólimi mámleketlik xızmetler orayı
bo’lim baslıǵı A.Orazbayev