Янгиликлар
19
Sport tarawındaǵı mámleketlik xızmetlerin kórsetiwdegi ózgerisler.
Sport tarawındaǵı mámleketlik xızmetlerin kórsetiwdegi ózgerisler.
Ministrler Kabinetiniń 118-sanlı qararı menen Sport-bilimlendiriw mákemeleriniń trener-oqıtıwshıları hám trener-metodistleri ilmiy tájriybe dárejelerin beriw boyınsha mámleketlik xızmetlerin kórsetiwdiń hákimshilik reglamentı tastıyıqlandi.
Reglamentke tiykar, mámleketlik xızmeti Mámleketlik xızmetler orayları yamasa Birden-bir ınteraktiv mámleketlik xızmetler portalı (my.gov.uz) arqalı Dene tárbiyası hám sport ministrligi jáne onıń aymaqlıq basqarmaları tárepinen kórsetiledi.
Trener-oqıtıwshılarǵa tómendegi ilmiy tájriybe dárejeleri beriledi:
- ekinshi dárejeli trener;
- birinshi dárejeli trener;
- joqarı dárejeli trener.
Trener-metodistlerge tómendegi ilmiy tájriybe dárejeleri beriledi:
- ekinshi dárejeli trener-metodist;
- birinshi dárejeli trener-metodist;
- joqarı dárejeli trener-metodist.
Mámleketlik xızmeti kórsetilgeni ushın tómendegi muǵdarda tólemler óndiriledi:
- arza kórip shıǵıw ushın – Bazalıq esaplaw muǵdarınıń 10 payızı muǵdarında;
- ilmiy tájriybe komissiyasın ótkeriw ushın - Bazalıq esaplaw muǵdarınıń 1 esesi muǵdarında.
Mámleketlik xızmetin alıw ushın my.gov.uz arqalı múrájat etilgende kórsetilgen tólemler summasınıń 90 payızı óndiriledi, yaǵnıy 10 payızǵa shegirme beriledi.
“Ózbekstan Respublikasında xızmet kórsetken sport ustazi”, "Qaraqalpaqstan Respublikasında xızmet kórsetken sport ustazi" ataǵına, dene tárbiyası hám sport tarawında ilimiy dárejege iye bolǵan shaxslar haq tólewden azat etiledi.
Ilmiy tájriybe taypaları 5 jıl múddetke beriledi.
“Ózbekstan Respublikasında xızmet kórsetken sport ustazi” ataǵına iye bolǵan shaxslarǵa ilmiy tájriybe taypaları sheklenbegen múddetke beriledi.
Reglament "Xalıq aralıq dárejeli trener" ilmiy tájriybe qatlamın beriwge qollanılmaydı.
Shomanay rayonı Ádillik bólimi, Mámleketlik xızmetler orayı direktorı Dawletmuratov Bahadir Erpolatovich