Янгиликлар
29
“Hesh bir shaxs hújjetsiz qalmaydı” huqıqıy akciyası sheńberinde Shımbay rayonında kóshpeli sud shólkemlestirildi
“Hesh bir shaxs hújjetsiz qalmaydı” huqıqıy akciyası sheńberinde Shımbay rayonında kóshpeli sud shólkemlestirildi
Ádillik ministrligi baslaması menen "Hesh bir shaxs hújjetsiz qalmaydı" huqıqıy akciyası sheńberinde hújjetlerin alıwda mashqalalarǵa ushırap kiyatırǵan puqaralarǵa hújjetleri tolıq rásmiylestirilip beriliwinde ámeliy járdem kórsetilip kelinbekte.
Yaǵnıy, usı jıldıń 20-yanvar sánesinen 20-mart kúnine shekem dawam etetuǵın huqıqıy akciya sheńberinde tuwılǵanlıǵı dizimge alınbaǵanlıǵı aqıbetinde shaxsın tastıyıqlawshı hújjetlerge iye bolmaǵan shaxslarǵa hám jaqın tuwısqanlarınıń ólimi dizimge alınbaǵan shaxslar, tuwılǵanlıǵı hám jaqın tuwısqanınıń ólimi haqqındaǵı medicinalıq maǵlıwmatnamaǵa iye bolmaǵanlıǵı sebepli yuridikalıq fakttı belgilew boyınsha sudqa múrájat etiwi kerek bolǵan shaxslarǵa huqıqıy járdem kórsetilip atır.
Usı qatarda Shımbay rayonı ádillik bólimi tárepinen huqıqıy akciya sheńberinde 25 puqaranıń jaqın tuwısqanlarınıń ólim faktın tastıyıqlaw boyınsha sudqa arzalar kiritilip, bul puqaralardıń artıqsha áweregershiliginiń aldın alıw hám olarǵa jáne de qolaylıqlar jaratıw maqsetinde Puqaralıq isleri boyınsha Shımbay rayonlararalıq sudı menen birgelikte kóshpeli sud májilisi ótkerildi.
Bolıp ótken sud isi Puqaralıq isleri boyınsha Shımbay rayonlararalıq sudı baslıǵı B.Torebaev hám sudyası Z.Ametovalar basshilıǵında kórip shıǵıldı hám arzalar puqaralardıń paydasına sheship berildi.
Shımbay rayonı ádillik bólimi