Янгиликлар
26
«Mobil-ID» mámleketlik xızmetin kórsetiw tártibinen xabardarsız ba
«Mobil-ID» mámleketlik xızmetin kórsetiw tártibinen xabardarsız ba
Elimizde puqaralardıń haq-huqıqların, mámleketlik uyımlardıń ashıqlıǵın támiyinlew baǵdarında alıp barılıp atırǵan maqsetli reformalar negizi insan hám onıń huqıqların qorǵaw, erkin demokratiyalıq mámleketti qáliplestiriwden ibarat bolıp, bul baǵdarda jáhán tájriybesi hám insan huqıqları boyınsha milliy ózligimizden kelip shıǵıp qatar baǵdarlamalar ámelge asırılmaqta.
Mámleketlik xızmetlerin kórsetiwdi ápiwayılastırıw, byurokratiyalıq tosıqlardı qısqarttırıw hámde mámleketlik xızmetlerdi kórsetiw milliy sistemasın rawajlandırıwdıń qosımsha is-ilajları haqqındaǵı Ózbekstan Respublikası Prezidentińiń 2022-jıl
20-apreldegi 113-sanlı Pármanı qabıl qılındı.
Pármanǵa tiykar, 2022 jıl 1-avgusttan:
• Mámleketlik xızmetlerden paydalanıw ushın shaxstı identifikaciyalawdıń ámeldegi sistema hám qurallarına qosımsha túrde fizikalıq shaxstı identifikaciyalawdıń Mobil-ID sisteması eńgiziledi;
• Mobil-ID sisteması “Elektron húkimet” sisteması paydalanıwshılardı identifikaciyalaw boyınsha birden-bir málimleme sistemasınıń strukturalıq bólegi esaplanadı hám shaxstı onıń mobil telefon nomeri arqalı identifikaciyalawdı názerde tutadı;
• shaxstı Mobil-ID sisteması járdeminde identifikaciyalaw Mámleketlik xızmetler orayı yamasa notarıal mákeme tárepinen yaki Birden-bir interaktiv mámleketlik xızmetler portalı mobil qosımshası arqalı ámelge asırıladı;
• tuwrıdan-tuwrı Oraylar yamasa notarıal mákeme arqalı puqaralardı Mobil-ID sistemasına identifikaciya qılıw 2022-jıl 31-dekabrge shekem tólew óndirilmesten ámelge asırılǵan bolsa 2023 jıl 1-yanvardan bazalıq esaplaw muǵdarınıń 2 payızı muǵdarında bir mártelik tólem óndirilgen jaǵdayda ámelge asırıladı;
• Mobil-ID sisteması paydalanıwshılarına elektron sanlı qol tańba qollanbaǵan halda finanslıq xızmetlerden tısqarı barlıq mámleketlik xızmetlerinen paydalanıw imkániyatın jaratadı;
Qarardan gózlengen maqset «Puqaralar emes xújjetler háreketlenedi» principi tiykarında qaǵazbazlıqtıń aldın alıw puqaralardıń waqtın tejew hámde mámleketlik uyımlarǵa puqaralardıń isenimin elede arttırıw bolıp tabıladı.
Qaraózek rayonı Ádillik bólimi,
Mámleketlik xızmetler orayı
bólim baslıǵı A.Dosımbetov