Янгиликлар
23
PHAJ TARAWÍNDAǴÍ HÚJJETLER JETILISTIRILDI
PHAJ TARAWÍNDAǴÍ HÚJJETLER JETILISTIRILDI
Ministrler Kabinetiniń 2023-jıl 20-oktyabr kúngi «Neke, shańaraq hám puqaralıq halatı aktlerın dizimge alıw tarawındaǵı normativ-huqıqıy hújjetlerdi jetilistiriw haqqında»ǵı 550-san qararı qabıl etildi.
Prezidenttiń «Milliy nızamshılıq bazasın kompleks jetilistiriw ilajları haqqında» 2021-jıl 30-apreldegi PF-6218-san Pármanına muwapıq tómendegiler tastıyıqlandı:
Puqaralıq halatı aktlerın dizimge alıw organları haqqındaǵı qaǵıyda;
PHAJ organları xızmetkerleriniń sanın belgilew tártibi haqqındaǵı qaǵıyda;
Puqaralıq halatı aktlerın dizimge alıw qaǵıydaları.
Puqaralıq halatı aktlerın dizimge alıw organları haqqındaǵı qaǵıyda olardıń tiykarǵı wazıypaları, funkciyaları, huqıq hám minnetlemeleri, sonıń menen birge olar iskerliginiń shólkemlestirilgen tiykarların belgileydi.
Jańa gerbli gúwalıqlar bergenlik ushın (ólim haqqındaǵı hám de jetim balalar hám ata-anasınıń qaramaǵınan ayırılǵan balalardı tárbiya mákemelerine jaylastırıwda berilgen tuwılǵanlıq haqqındaǵı gerbli gúwalıqlar bunnan tısqarı) gerb jıyımı BEMnıń 15 payızı muǵdarında óndiriledi.
PHAJ organlarınıń arxiv maǵlıwmatların sanlastırıw nátiyjesinde túrli jıllar dawamında birdey seriya hám nomerli tuwılǵanlıq haqqındaǵı gúwalıqlar rásmiylestirip berilgenligi jaǵdayları anıqlanǵanda, bul gúwalıqlardı qayta rásmiylestirgenlik ushın gerb jıyımı óndirilmeydi.
PHAJ organları tiyisli jazıwlar arqalı tómendegi puqaralıq halatı aktlerın dizimge aladı:
Tuwılǵanlıq haqqında;
neke dúzilgenligi haqqında;
nekeden ajırasqanlıq haqqında;
ólim haqqında.
Puqaralıq halatı akt jazıwları mámleketlik áhmiyetine iye hújjetler esaplanadı, bir nusqada dúziledi hám PHAJ organlarında dizimge alınǵan waqıttan baslap 75 jıl dawamında saqlanadı.
Bunda perzentlikke alıw, atalıqtı belgilew, famılıya, atı hám ákesiniń atın ózgertiw, jinsın ózgertiw puqaralıq halatı akt jazıwlarına olarǵa tiyisli ózgerisler kiritiw arqalı sáwlelendiriledi.
Sonıń menen birge, hújjet penen tuwılǵanlıq hám ólimdi dizimge alıw menen baylanıslı kompleks mámleketlik xızmetlerin kórsetiwdiń hákimshilik reglamentı tastıyıqlandı.
Bozataw rayonı ádillik bólimi PHAJ bólimi inspektorı Sh.Shalabaev