Янгиликлар
21
Aliment muǵdarın kemeytiw yamasa aliment tólewden azat etiw
Aliment muǵdarın kemeytiw yamasa aliment tólewden azat etiw
Aliment sudqa múrájat etilgen waqıttan baslap tólenedi.
Aliment alıw ilajları sudqa shekem kórilgen,biraq aliment tólewshi shaxs onı tólewden bas tartqanlıǵı anıqlansa,sudqa múrájat etilgen waqıttan baslap ótken úsh jıl ushın aliment óndiriliwi múmkin.
Eger aliment tólewshi shaxs hesh jerde jumıs islemeytuǵın bolsa ortasha aylıq is haqı muǵdarı boyınsha esaplanadı.
Aliment sud tárepinen belgilengende ata-ananıń hár aydaǵı is haqı hám basqa daramatınıń:
Bir bala ushın-tórtten bir bólimi
Eki bala ushın-úshten bir bólimi
Úsh hám onnan artıq bala ushın-yarımı muǵdarda óndiriledi.
Aliment tólep atırǵan ata-ananıń basqa er jetpegen perzentleri bolıp, onnan nızamda belgilengen muǵdarda aliment óndirilgende usı balalar aliment alıp atırǵan balalarǵa qaraǵanda materiallıq jaqtan kem támiyinlenip qalatuǵın bolsa, sonday-aq, aliment tólep atırǵan ata (ona) mayıp bolıp, materiallıq jaqtan qıynalıp atırǵan, aliment alıp atırǵan shaxs ǵarezsiz dáramatqa iye bolǵan taǵdirde, aliment muǵdarı sud tárepinen kemeytiriliwi múmkin.
Eger, erjetpegen bala mámleket yamasa mámleketlik emes shólkemlerdiń tolıq támiynatında bolsa, sud aliment tólep atırǵan ata yamasa ananıń materiallıq jaǵdayın esapqa alıp, tólenip atırǵan aliment muǵdarın kemeytiw yamasa onı aliment tólewden azat etiw haqqında sud qararın shıǵarıw múmkin.
Aliment muǵdarın kemeytiw yamasa onı tólewden azat etiw ushın jaǵdaylar toqtaǵanda, mápdar tárep aliment nızamda belgilengen muǵdarda óndiriliwin talap etip, sudqa múrájat etiwge haqlı.
Shomanay rayonı ádillik bólimi PHAJ bólimi baslıgı: Zinep Alieva