Янгиликлар
07
Sociallıq napaqa alıwshı jalǵız shaxslarǵa hár aylıq kompensaciya tólenedi
Sociallıq napaqa alıwshı jalǵız shaxslarǵa hár aylıq kompensaciya tólenedi
Ózbekstan Respublikası Prezidentiniń 2022-jıl 7-apreldegi “Mámleketlik pensiyaları, napaqalar, kompensaciyalar hám basqa sociallıq tólemlerdi tólew sistemasın jáne de jetilistiriwge tiyisli qosımsha ilajlar haqqında” ǵı PQ-198-sanlı qararı qabıl etildi.
Mámleketimizde pensiya, napaqa, kompensaciyalar hám basqa sociallıq tólemlerdi tólew hám jetkerip beriwde puqaralarǵa qolay shárt-shárayatlardı jaratıw, tólew sistemasınıń zamanagóy usılların keń engiziw hám de usı tarawda aldıńǵı informacion-kommunikaciya texnologiyalarınan nátiyjeli paydalanıwdı shólkemlestiriw maqsetinde 2022-jıl 1-maydan baslap jası 100 ge tolǵan hám onnan asqan sociallıq napaqa alıwshı shaxslar ushın hár ayda pensiyanı esaplawdıń bazalıq muǵdarınıń 100 payızı muǵdarında qosımsha tólem belgilenedi.
Bunda, 100 jasqa tolǵan hám onnan asqan puqaralar napaqasına hár ayda tólenetuǵın qosımsha tólem pensiya hám napaqa tayınlanǵan shólkem arqalı Respublika byudjeti hám Byudjetten tısqarı Pensiya qorı qarjıları esabınan qarjılandırıladı.
Kompensaciya tólewi, onı alıw huqıqına iye bolǵan barlıq jeńillikli taypadaǵı shaxslarǵa, bul adamlardıń pensiya (sociallıq napaqa) alıwı yamasa almawı hám de miynet iskerligin alıp barıwı yamasa alıp barmawına qaramastan tólep beriledi.
Qońırat rayonı ádillik bólimi yuridikalıq xızmet kórsetiw orayı bas yuriskonsultı Annarazov Ruslan Yuldashevich