Янгиликлар
07
Naturaq imáratlardıń kadastr pasportın tayarlaw hám olarǵa bolǵan huqıqlardı mámleketlik dizimnen ótkeriw tártibi
Naturaq imáratlardıń kadastr pasportın tayarlaw hám olarǵa bolǵan
huqıqlardı mámleketlik dizimnen ótkeriw tártibi
Naturaq imáratlardıń kadastr pasportın tayarlaw hám olarǵa bolǵan huqıqlardı mámleketlik dizimnen ótkeriw mámleketlik xızmeti Ózbekstan Respublikası Ministrler kabinetiniń 2020-jıl 2-sentyabrdegi “Kadastr tarawındaǵı ayrım mámleketlik xızmetlerdi kórsetiwdiń hákimshilik reglamentin tastıyıqlaw haqqında”ǵı 535-sanlı qararı menen tártipke salınǵan.
Aldınları Naturaq imáratlardıń kadastr pasportın tayarlaw ushın arza berilgennen soń olarǵa bolǵan huqıqlardı mámleketlik dizimnen ótkeriw óz aldına arza beriw tiyis edi. Búgingi kúnde puqaralar hám isbilermenlik subektlerine qolaylıq jaratıw maqsetinde bul xızmetler birlestirilip kompazit kóriniske keltirildi.
Arza beriwshiler ózleri qálegen mámleketlik xızmetler oraylarına barǵan halda yáki my.gov.uz birden-bir interaktiv mámleketlik xızmetler portalı arqalı onlayn tárizde arza beriwleri múmkin.
Xızmet kórsetiw múddeti:
a) Kadastr pasportın tayarlaw naturaq imáratlardıń maydan ólshemlerine qarap tómendegi múddetlerde ámelge asırıladı:
ulıwma maydanı 100 kv.m. ge shekem bolǵan imáratlar - 5 jumıs kúnine shekem;
ulıwma maydanı 100 kv.m den 1 000 kv.m ge shekem bolǵan imáratlar - 7 jumıs kúnine shekem;
ulıwma maydanı 1 000 kv.m den 5 000 kv.m. ge shekem bolǵan imáratlar - 10 jumıs kúnine shekem;
ulıwma maydanı 5 000 kv.m den 15 000 kv.m. ge shekem bolǵan imáratlar - 15 jumıs kúnine shekem;
ulıwma maydanı 15 000 kv.m den 50 000 kv.m ge shekem bolǵan imáratlar - 20 jumıs kúnine shekem;
ulıwma maydanı 50 000 kv.m den artıq bolǵan imáratlar - 25 jumıs kúnine shekem;
ajıratılgan jer uchastkaları boyınsha - 3 jumıs kúnine shekem.
b) Kóshpes múlkke bolǵan huqıqtı mámleketlik dizimnen ótkeriw
2 jumıs kúnine shekem.
Nókis rayonı Ádillik bólimi
Mámlekeltik xızmetler orayı bólim baslıǵı
A.Patshaxanov