Янгиликлар
31
«Hesh bir shaxs hujjetsiz qalmaydı» akciyası sheńberinde huqıqıy ilajlar dawam etpekte...
«Hesh bir shaxs hujjetsiz qalmaydı» akciyası sheńberinde huqıqıy ilajlar dawam etpekte...
Ózbekstan Respublikası Ádillik Ministirliginiń 2024-jıl 18-yanvardaǵı
12-um sanlı buyrıǵı menen «Hesh bir shaxs hujjetsiz qalmaydı» huquqıy akciyasına start berildi. Akciya tiykarında, Taxtakópir rayonında Qaraqalpaqstan Respublikası Ádillik ministriniń orınbasarı Abdijaliev Maxmud Karamatdinovich qatnasında rayon ádillik bólimi Mámleketlik xızmetler orayı hám de PHAJ bólimi tárepinen bir qatar ilajlar ámelge asırıldı.
Akciya sheńberinde Taxtakópir rayonı Doslıq gúzarı kóshesi 9-úyde jasawshı puqara Aljanov Anatoliy Xojakovichtıń kóp jıllardan berli ólimi haqqında akt jazıwı dizimge alınbaǵan anası Aljanova Svetlana Anatoliyevnanıń ólimi haqqında akt jazıwı hám de marxum ákesi Aljanov Xojaktıń ólimi haqqında akt jazıwı dizimge alınıp ólimi haqqında guwalıqları tapsırıldı.
Taxtakópir rayonı Múlk APJ da jasawshı Alpısov Aymaxan hám de Bekimbetova Ziybagúller 2018-jılı neke qurıp bir shańaraq bolıp jasap kelip búgingi kúnge shekem nızamlı nekeden ótpegenligi, nızamlı nekeden ótiw ushın puqaralıq pasportların joytıp alǵanlıǵı sebebli, bul puqaralarǵa puqaralıq pasportı alıwda ámeliy járdem berildi hám nızamlı nekeden ótkerilip neke guwalıǵı, usı aymaq turǵını Toǵanasov Artıqtıń 2014-jılı tuwılǵan perzenti Yaxudayeva Nuraseldiń tuwılǵanlıq haqqında guwalıǵın joytıp alǵanlıǵı sebebli tuwılǵanlıq haqqında takrar guwalıǵı alınıp jasaw shańaraǵına alıp barılıp tapsırıldı.
Sonıń menen birge, Mulk APJ turǵını Qalmuratova Gulsaranıń turaq jayınıń hújjetleri turaq jayında órt kelip shıqqanlıǵı aqıbetinde janıp ketkenligi sebepli hámde Qojantaev Erbolattıń turaq jayınıń hújjetleri joytılıp qalǵanlıǵı sebepli qayta hújjetlestirip kóshpeli túrde shańaraǵına aparıp tapsırıldı.
Taxtakópir rayonı ádillik bólimi.